6 years ago
May 19, 2018
साउ पाउलो (एजेन्सी)– नेयमार पेरिस सेन्ट जर्मेन (पिएसजी) छाडेर स्पेनिस क्लब रियल म्याड्रिड जान सक्ने विषयमा हरेक दिन जसो चर्चा हुने गरेको छ । पछिल्लो पटक ब्रालियन पूर्व खेलाडी बेबेटोले नेयमार गएमा रियललाई कसैले हराउन नसक्ने दाबी गरेका छन् ।
विश्व कै उत्कृष्ट खेलाडीमध्ये एक बन्ने योजनासहित नेयमार बार्सिलोनाबाट विश्व कीर्तिमानी रकम २ सय २२ मिलियन युरोमा पिएसजी पुगेका थिए । सिजनको सुरुवात पनि उनले उच्च प्रदर्शनका साथ गरे । तर, चोटका कारण उनले पुरा सिजन भने खेल्न सकेनन् ।
एउटा खेलका दौरान पेनाल्टी हान्ने विषयमा इडिन्सन काभानीसँग विवाद भएपछि भने नेयमारले पिएसजी छोड्न चाहेको चर्चा व्यापक भएको थियो ।
रियलले पनि नेयमारप्रति चासो राखिएको बताइएको छ । बेबेटोले नेयमारका बारेमा भने, ‘रियल राम्रो र प्रभावशाली इतिहास भएको क्लब हो । नेयमार जस्तो खेलाडी जो आफैमा फरक छन् । उनका लागि त्यो टिममा पक्कै ठाँउ हुनेछ ।’
उनले अगाडि थपे, ‘पिएसजी छोड्न उनलाई कठिन होला , मलाई थाहा छैन के हुन्छ । तर, यदि उनको सम्झौता भयो भने रियललाई कसैले हराउन सक्दैन । अहिलेको अवस्था भन्दा प्रदर्शनमा फरक हुनेछ । नेयमारले बार्सिलोना छोड्दा पनि बुझ्न सकेको थिएन । अब हेरौं भविष्यमा के हुनेछ ।’
हल्ला जे जस्तो चलेपनि पिएसजी भने नेयमारलाई क्लबमै राख्नका लागि प्रतिबद्ध छ । नेयमारले पनि अर्को क्लबमा जाने भन्दा पनि अहिलेकै टोलीलाई सहयोग गर्न चाहेको बताएका छन् ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]