6 years ago
May 17, 2018
उदयपुर (हाम्रो खेलकुद) – उदयपुरमा जारी पाँचौं रमपम गोल्ड कप २०७५ प्रतियोगितामा उपाधिका लागि लालितपुरको रुस्लान थ्री स्टार क्लब र मनाङ मर्स्याङ्दीबीच प्रतिस्पर्धा हुने भएको छ ।
थरुहट रंगशाला उदयपुरमा जारी पाँचौ रमपम गोल्डकप फुटबल प्रतियोगितामा बिहीवार भएको अन्तिम सेमिफाईनल खेलमा सुनसरी ११ लाई ३–२ ले हराउँदै मनाङ मस्र्याङदीले फाइनलमा थ्री स्टारसँगको भेट पक्का गरेको हो । थ्री स्टारले झापा–११ लाई १–० ले पराजित गर्दै यसअघि नै फाइनलमा स्थान बनाएको थियो ।
बिहिवारको खेलमा सुनसरी ११ ले गरेको गल्तीले मनाङलाई फाइदा भएको छ । १० औं मिनेटमा सुनसरीका रमेश राजवंशीको आत्मघाती गोलबाट मनाङले अग्रता बनाएको थियो । २३ औं मिनेटमा मनाङका भिक्टरले १ गोल थप गर्दै खेल २–० को अग्रतामा रह्यो । २७ औं मिनेटमा मनाङले डि–बक्समा हातले बल छोएपछि सुनसरीले पेनाल्टीको मौका पाएको थियो जसलाई सुनसरीका निशाल लिम्बुले गोल गर्दै खेल २–१ को अन्तरमा पुर्याए ।
६४ औं मिनेटमा सुनसरीका सौजन आख्याले गोल गर्दै खेल २–२ गोलको बराबरीमा ल्याएका थिए । सुनसरीको खेलाडीको खेल आक्रमक भएपनि ७५ औं मिनेटमा मनाङका विमल रानाले १ गोल गर्दै खेल ३–२ को अग्रतामा ल्याएका थिए । सुनसरीले पाँच वटा गोल गर्ने मौका गुमाएपछि फाइनलको यात्रालाई बिट मार्न पुग्यो । खेलको ‘म्यान अफ द म्याच’ मनाङका डोना थापाले पाए । उनले नगद ७ हजार पनि हात पारे ।
उपाधिका लागि शनिबार हुने फाइनल रुस्लान थ्री स्टार क्लब ललितपुर र मनाङ्ग मर्स्याङ्दी बीच हुनेछ । थ्री स्टार क्लबले उदयपुर गोल्ड कपको दोश्रो र तेश्रो संस्करणको उपाधि उचाली सकेको छ । पाँचौ संरकरणको रमपम उदयपुर गोल्ड कप विजेताले ५ लाख र उपविजेताले ३ लाख ५० हजार पाउने मुल आयोजक कमिटीका संयोजक किरन राईले बताए । त्यसैगरी खेल अबधि भरको उत्कृष्ट खेलाडीलाई रु ५० हजारको पुरस्कार राशि रहेको मुल आयोजक कमिटीका संयोजक राईले जानकारी दिए ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]