झापामा सनसाइन महिला फुटबल यहि साता सुरु हुने

सबिन लिम्बु (सेर्मा)
झापा – सनसाइन महिला फुटबल प्रतियोगिता यहि साता सुरु हुने भएको छ । सनसाइन फुटबल क्लब धुलाबारीले महिला खेलाडीलाई प्रोत्साहित गर्ने उद्देश्यका साथ शनिबारदेखि प्रतियोगिता आयोजना गरिएको क्लबकी अध्यक्ष अध्यक्ष अष्मिता खवासले मंगलबार आयोजित पत्रकार सम्मेलनमा जानकारी दिइन् ।

नकआउटका आधारमा बैशाख १२ गते सम्म चल्ने प्रतियोगितामा ८ टोलीको सहभागिता रहनेछ । प्रतियोगिता मेचिनगर १५ स्थित ज्यामिरगढी माविको मैदानमा हुनेछ । प्रतियोगिताको विजेताले ५५ हजार र दोस्रो हुने टोलीले ३० हजार रुपैयाँ प्राप्त गर्नेछ ।

हरेक खेलको म्यान अफ दी म्याचले १ हजार रुपैयाँ प्राप्त गर्नेछिन् । त्यस्तै प्रतियोगिताको सर्वोत्कृष्ट खेलाडीले ५ हजार ५ सय रुपैयाँ प्राप्त गर्नेछिन् । त्यस्तै विधागत उत्कृष्ट खेलाडीले नगद पुरस्कार प्राप्त गर्ने बताइएको छ । प्रतियोगितामा झन्डै ६ लाख रुपैयाँ खर्च हुने आयोजकले जनाएको छ ।

सनसाइन महिला फुटबल प्रतियोगिताका सहभागी टोली
१. जुनतारा एफ सि
२. बाह्रदशी एफसि
३. झापा एफसि
४. जलथल एफसि
५. सतासिधाम स्पोटिङ्ग क्लव
६. पारीजात एफसि
७. कनकाई स्पोर्टस एकाडेमी
८. आयोजक सनसाइन एफसि