फुटबलर भरत १ महिना मैदान बाहिर रहने

काठमाडौं(हाम्रो खेलकुद)– नेपाल राष्ट्रिय टोलीका फरवार्ड तथा त्रिभुवन आर्मी क्लबका कप्तान भरत खवासले कम्तीमा एक महिना मैदान बाहिर रहनु पर्ने भएको छ ।

फाइल तस्बिर

झन्डै डेढ बर्षअघि हातमा राखिएको स्टिल सोमबार निकालेपछि उनले कम्तीमा एक महिना आराम गर्नुपर्ने बताइएको छ । मलेसियामा डेढ बर्षअघि भएको एएफसी सोलिडारिटी कप फुटबल प्रतियोगिताको प्रशिक्षण दौरान उनको हात भाचिएको थियो । भाँचिएपछि शल्यक्रिया गर्दै उनको हातमा स्टिल राखिएको थियो ।

प्रशिक्षमा कमल श्रेष्ठसँग जुध्दा उनको हात भाँचिन पुगेका थिए । भरत त्यतिबेला शल्यक्रियाको तीन साता नबित्दै मैदान फर्केका थिए । सोलिडारिरटी कप जित्दा भरत टोलीका महत्वपूर्ण सदस्य थिए । समूह चरणको खेलमा उनले ब्रुनाईविरुद्ध गोल पनि गरेका थिए ।

त्यसपछि पनि भरत घरेलु नकआउट प्रतियोगितामा निरन्तर खेले । गत साता सम्पन्न दमक गोल्डकपमा भरतको कप्तानीमा रहेको आर्मी सेमिफाइनलमा लक्ष्मी हुन्डाई मनाङ मस्र्याङ्दीसँग टाइब्रेकरमा पराजित भएको थियो । अहिले जारी उदयपुर गोल्डकपमा भने आर्मी सहभागि छैन ।

फुटबलर भरत १ महिना मैदान बाहिर रहने

Latest News

Popular News

फुटबल

झापामा एनएसएलको ट्रफी प्रदर्शन

३ नयाँसहित राष्ट्रिय फुटबल टोलीको घोषणा

ललितपुरका डिफेन्डर देकिते आइपुगे

चर्चित खेलहरु:

उपयोगी लिङ्कहरू

सम्पर्क

सामाजिक संजाल