उदयपुर गोल्डकप– कर्णको गोलमा झापाको जित

गाईघाट (हाम्रो खेलकुद)– रमपम झापा ११ ले पाँचौं रमपम उदयपुर गोल्ड कप फुटबल प्रतियोगितामा विजयी सुरुवात गरेको छ । थारुहट उदयपुर रंगशालामा रुपन्देही ११ लाई शनिबार १–० ले हराउँदै झापा प्रतियोगिताको सेमिफाइनलमा पुगेको छ ।

झापाका लागि कर्ण लिम्बुले ७४ औं मिनेटमा गोल गरेका थिए । झापाका छिरिङ गुरुङ खेलको म्यान अफ दी म्याच घोषित भए र उनले ७ हजार रुपैयाँ प्राप्त गरे । रुस्लान थ्री स्टार क्लब र मोरङ ११ बीचको विजेतासँग झापाले जेठ २ गते सेमिफाइनल खेल्नेछ ।

प्रतियोगितामा आइतबार लक्ष्मी हुन्डाई मनाङ मस्र्याङ्दी र उदयपुर ११ बीच प्रतिस्पर्धा हुनेछ । मनाङले यहि महिना दुईवटा फाइनल खेलिसकेको छ । दुवैमा मनाङ पराजित भएको थियो । माइभ्याली गोल्डकपको फाइनलमा थ्री स्टारसँग पराजित भएको मनाङ तीन दिनअघि भएको दमक गोल्डकपको फाइनलमा नेपाल पुलिस क्लबसँग पराजित भएको थियो ।

उदयपुर गोल्डकपमा आइतबारको खेल
मनाङविरुद्ध उदयुर ११