6 years ago
May 12, 2018
इस्तानबुल (एजेन्सी) – खेलको दौरान सहायक रेफ्रीको निर्णयमा आपत्ति जनाउँदै उनलाई धकेलेका कारण बार्सिलोनाबाट लोनमा बासकसेइर पुगेका मिडफिल्डर अर्डा टुरानलाई टर्किस फुटबल फेडेरेसनले १६ खेलको प्रतिबन्ध लगाएको छ । टर्किस फुटबलको अनुशासन समितिले गत साता भएको घटनालाई कडा रुपमा हेर्दै अर्को सिजनको मध्यभाग सम्म टुरानलाई प्रतिबन्ध लगाएको हो ।
अनुशासन समितिले गरेको निर्णयअनुसार १६ खेलमध्य १० खेल रेफ्रीलाई आक्रमण गरेको कारण भएको हो । बाँकि ३ खेल रेफ्रीको अपमान भएको र ३ खेल रेफ्रीलाई धम्क्याएका कारण लागेको हो । उनले प्रतिबन्धसँगै ४० हजार टर्किस लिरा पनि तिर्नुपर्ने भएको छ । टुरानसँगै अर्का मिडफिल्डर जोसे मार्सियोले पनि ४ खेल प्रतिबन्ध र २६ हजार लिरा जरिवाना तिर्नुपर्ने भएको छ ।
सिभास्पोरविरुद्धको खेलको अन्तिम समयमा रेफ्रीले दिएको निर्णयमा आपत्ति जनाउँदै टुरानले सहायक रेफ्रीलाई धकेलेका थिए । रेफ्रीले उनलाई तुरुन्तै रातो कार्ड देखाउँदै मैदानबाहिर पठाएका थिए । उनले मैदानबाहिर जाने क्रममा पनि लगातार अपशब्द बोलेको अनुशासन समितिले जनाएको छ ।
टुरान सिजनको सुरुआतमा बार्सिलोनाबाट बासकसेइरमा आयका हुन् । बार्सिलोनामा अधिकांश समय बेन्चमै बस्नु पारेको कारण उनले टर्कीमा फर्कने विकल्प रोजेका थिए । अब यस प्रतिबन्धका कारण उनले अर्को सिजन नयाँ टोलीमा जाने सम्भावना घटेको छ । कम्तिमा जनवरीसम्म टुरान बार्सिलोनामै रहने छन् । उनले स्पेनिस लिगमा पनि प्रतिबन्ध भोग्नुपर्ने भएको छ ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]