पेरिस (एजेन्सी)– केहि महिना यता नेयमार रियल म्याड्रिड जाने चर्चा व्यापक रुपमा चलेको छ । यहि बेला उनी चोट मुक्त भएर विश्व कपका लागि ब्राजिलियन टोलीमा फर्कन आतुर पनि छन् । 

उनी पेरिस सेन्ट जर्मेन (पिएसजी) भने फर्कन इच्छुक नरहेको सञ्चारमाध्यमहरुले उल्लेख गरिहेका छन् । उनी रियल जान चाहिरहेको दाबी गरिएको छ । उनी रियल पुग्ने नपुग्ने विषयमा तीन व्यक्तिको भने महत्वपूर्ण भूमिका रहने बताइएको छ । तीनहरु हुन् ।

जुनी कालाफाट

रियलका लागि खेलाडी सरुवामा महत्वपूर्ण भूमिका निर्वाह गरिरहेका कालाफा केहि महिना यता नेयमारको सम्पर्कमा रहेको बताइएको छ । नेयमार रियल पुगे भने त्यहाँ उनको भूमिका पक्कै रहने बताइएको छ । केहि महिनायता उनी पटक पटक ब्राजिल पुगेको बताइएको छ । नेयमार पनि उपचारका क्रममा केहि सातायता स्वदेशमै रहेका छन् ।

पिनी जाहाभी

नेयमारको भविष्यका बारेमा निर्णय गर्नेमा जाहाभीको भूमिका उनको पिताको भन्दा बढी रहने बताइएको छ । सरुवा बजारमा जाहाभीको ठूलो नाम छ । युरोपका ठूला सम्झौतामा उनको भूमिका रहँदै आएको छ । नेयमार पिएसजीबाट पुनः स्पेन फर्के भने त्यहाँ जाहाभी निर्णायक बन्न सक्दछन् ।

नासेर अल खेलिफा

पिएसजीका अध्यक्ष खेलिफालाई पनि २६ वर्षे नेयमार अब पेरिस बस्न चाहँदैनन भन्ने राम्रो जानकारी छ । त्यसैले खेलिफाले नेयमारको भविष्यका विषयमा जाहाभीसँग छलफल गर्ने तयारीमा छन् । नेयमार विक्रीमा छैनन् भन्ने पिएसजीले प्रष्ट पारे पनि उनी आफै त्यहाँ बस्न चाहिरहेका छ्रनन् । त्यसैले त्यसको समाधान खेलिफाले खोज्नुपर्ने अवस्था छ ।