म्यानचेष्टर (एजेन्सी)– म्याचेस्टर युनाइटेडका मिडफिल्डर पोउल पोग्बाले केहि खेलमा कप्तानको आर्मब्यान्ड लाउन पाउँदा गर्व लागेको बताएका छन् ।

‘कप्तानको आर्मब्यान्ड लगाउन पाउँदा गर्व महसुस गरे । त्यस्तै क्लबको जर्सी र ओल्र्ड ट्राफोर्डमा खेल्न पाउँदा त्यस्तै अनुभव हुन्छ,’ पोग्बाले भने, ‘म यहाँ एकेडेमीमा आएको थिए । युनाइटेडको पहिलो रोजाइको टोलीबाट खेल्ने सपना थियो । त्यो पुरा भएको छ । यसमा लाई अत्ति नै गर्व छ ।’

क्लबका नियमित कप्तान माइकल कारिक नखेलेका अवस्थामा युनाइटेडले अन्य खेलाडीलाई पालैपालो टोलीको कप्तानी गर्ने मौका दिएको थियो । त्यसमध्ये फ्रान्सेली पोग्बा पनि एक हुन् । पोग्बाको कप्तानमा युनाइटेडले बासेलविरुद्धको च्याम्पियन्स लिग फाइनल खेलेको थियो । त्यस्तै प्रिमियर लिगमा पोग्बाले साउथह्याम्पटन र एभर्टसँगको खेलमा कप्तानी गरेका थिए ।

पोग्बाले अहिले आफ्नो फर्मबाट पनि खुसी रहेको बताए । ‘ठूलो चोटका कारण मैले धेरै खेल गुमाए । तर अहिले निकै आराम महसुस गरेको छु,’ पोग्बाले भने, ‘जसले गर्दा मैले धेरै एसिस्ट गर्न सकेको छु । गत सिजन जस्तो मैले यो पटक क्रसबार र पोस्टमा हानेको छैन । त्यसैले म खुसी छु । केहि गोलमा मेरो भूमिका रह्यो , त्यसमा झनै खुसी छु ।’

जनवरीमा एलेक्सेस सान्चेजको आगमनपछि केहि महिना पोग्बाको प्रदर्शन सन्तोषजनक रहेन । तर, बिस्तारै उनी फर्ममा फर्केका छन् ।