म्याड्रिड (एजेन्सी)– रियल म्याड्रिडका सुपर स्टार क्रिस्टियानो रोनाल्डोले यहि साता बार्सिलोनाविरुद्धको एल क्लासिकोमा महत्वपूर्ण गोल गरेपनि त्यसमा उनले खुसीयाली मनाएनन् । २–२ को बराबरीमा सकिएको खेलमा रोनाल्डोले बार्सिलोनाविरुद्ध पहिलो गोल गरेका थिए । उनले गोलको खुसियाली नमनाउँदा धेरैले आश्चार्य पनि मानेका थिए ।

बार्सिलोनाका रक्षक जेरार्ड पिकेले पटक पटक ट्याकल गर्दा चोटग्रस्त बनेका रोनाल्डोले त्यहि कारणले खुसीयाली नमनाएको कतिपयले अनुमान गरेका थिए । उनले करिम बेन्जिमाको क्रसमा गोल गरेका थिए । तर, ३२ बर्षे स्टारले भावुक हुँदै गोलको खुसियाली नमाउनुको कारण बताएका छन् ।

रोनाल्डोले म्यानचेस्टर युनाइटेडका पूर्व प्रशिक्षक एलेक्स फर्गुसनलाई अचानक ब्रेन ह्यामरेज भएर उपचारका क्रममा रहेकोले खुसियाली नमनाएको बताएका छन् । ‘जसले मलाई फुटलब सिकाए । उनी अस्वस्थ्य रहँदा म कसरी खुसीयाली मनाउन सक्छु,’ किन गोलको खुसियाली मनाएनौं भन्नेमा युनाइटेडका पूर्व स्टारको जवाफ थियो ।

फर्गुसनको अवस्थामा सुधार भइरहेको बताइएको छ । रोनाल्डोको रियल लगातार तेस्रो पटक च्याम्पियन्स लिग फाइनलको तयारीमा रहेको छ । रियलले फाइनलमा इङ्लिस क्लब लिभरपुलको सामना गर्नेछ । मे २७ मा हुने फाइनलका लागि रोनाल्डो फिट हुने अपेक्षा गरिएको छ ।