6 years ago
May 10, 2018
किभ (एजेन्सी)– युरोपियन क्लब फुटबलको सबैभन्दा ठुलो प्रतियोगिता युइएफए च्याम्पियन्स लिगको फाइनल सर्बियन रेफ्री मिलोरड माजिकले खेलाउने पक्का भएको छ । यो सिजनको फाइनल खेल युक्रेनको किभमा २६ मे मा हुँदैछ।
युरोपियन फुटबलको सर्वोच्च निकाय युइएफएको रेफ्री कमिटिले सोमबार च्याम्पियन्स लिगको फाइनलका लागि ४५ वर्षीय माजिकलाई म्याच रेफ्रीको रुपमा घोषणा गरेको हो । यसपटक च्याम्पियन्स लिगको फाइनलमा स्पेनिस जाइन्ट रियल म्याड्रिड र इङ्लिस क्लब लिभरपुलबीच प्रतिस्पर्धा हुदैछ ।
सेमिफाइनलमा रियलले जर्मन च्याम्पियन बायर्न म्युनिखलाई ४–३ ले तथा लिभरपुलले इटालियन क्लब एस रोमालाई ७–६ ले पराजित गर्दै फाइनलमा भेट पक्का गरेका थिए । अन्तर्राष्ट्रिय रेफ्री माजिकले यो सिजन च्याम्पियनस लिग चरणका चार र युरोपा लिगको समूह चरणको दुई खेल खेलाएको थिए ।
माजिकले सन् २०१७ को फिफा कन्फेडेरेसन कपको फाइनल र सन् २०१६ को युएफा सुपर लिगको फाइनल खेल खेलाएका थिए । कन्फेडेरेसनको फाइनलमा जर्मनी र चिलीले प्रतिस्पर्धा गरेका थिए । माजिकको सहायकको रुपमा डच रेफ्री बिज्रन कुइपर्स रहेनेछन् ।
दुई वर्षअघि लिभरपुल र म्यानचेष्टर युनाइटेडबीच भएको युरोपा लिगको प्रि–क्वार्टर फाइनलको दोस्रो लेग खेलाउदा माजिक निकै विवादित बनेका थिए । ओल्ड ट्राफोर्डमा भएको खेलमा घरेलु टोली युनाइटेडलाई विवादित पेनाल्टी दिएका थिए ।
लिभरपुलका फिलिपे कौटिन्होले बराबरी गोल फर्काएपनि समग्रमा ३–१ ले लिभरपुल पछि पर्दै प्रतियोगिताबाट बाहिरिएको थियो । फाइनलमा माजिकको सहायकमा मिलोभान रिस्टिक, डालिबो डीजुर्डिभिक र फोर्थ अफिसियलमा क्लिमेन्ट ट्रुपिन रहनेछन् ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]