एएफसी कप जोनल सेमिफाइनल- रोहित सम्मिलित पेर्सिजाको महत्वपूर्ण २ अवे गोल

काठमाडौं (हाम्रो खेलकुद) – नेपाली राष्ट्रिय टोलीका रोहित चन्द सम्मिलित इन्डोनेसियाको पेर्सिजा जाकार्ताए एफसी कप एसियन जोनल सेमिफाइनलको पहिलो लेगमा सिंगापुरको क्लब होम युनाईटेडसँग ३–२ ले पराजित भएको छ । होम र अवेका आधारमा हुने सेमिफाइनलमा पर्सिजा महत्वपूर्ण २ अवे गोल गर्न सफल भएको छ । रोहितले पुरा समय खेलेका थिए ।

घरेलु मैदानमा युनाईटेडले ममान अब्दुरहमानको आत्मघाती गोलमा दोस्रो मिनेटमै अग्रता लिएको थियो । नवौं मिनेटमा सन उइ(यंगले घरेलु टोलीको अग्रता दोब्बर गरे । ३२ औं मिनेटमा कर्नरमार्फत हेड गर्दै गोल गरेका राम्डानी लेस्तालुहूले ४९ औं मिनेटमा पुनः अर्को गोल गर्दै पेर्सिजाका खेलमा फर्काएको थिए ।

खेलको ७९ औं मिनेटमा हाफिज नोरको प्रहारमा पेर्सिजाका गोलकिपरको फितलो प्रदर्शनसँगै घरेलु टोलीले ३–२ ले जित हासिल गरेको थियो । यी दुई टोलीबीचको दोस्रो लेग मार्च १५ मा पर्सिजाको मैदानमा हुनेछ ।

जोनल फाइनलको विजेताले एएफसी कपमा प्रवेश पाउनेछ । पर्सिजाले आसियान जोनको फाइनल जितेमा अन्य जोनलका विजेताहरुसँग एएफसी कपको उपाधिका लागि भिड्नेछ । समूह ुएचु को विजेता बन्दै पर्सिजाले सेमिफाइनलमा स्थान बनाएको थियो ।

खेलअघिको प्रि म्याच कन्फरेन्समा पर्सिजाकातर्फबाट प्रशिक्षकसँगै रोहित पनि उपस्थित थिए।

प्रि म्याच कन्फरेन्समा पर्सिजाको प्रतिनिधित्व गर्दै क्लबका प्रशिक्षकसँगै रोहित पनि उपस्थित थिए।

हाइलाइट्स