पुलिस दमक गोल्डकपको फाइनलमा

दमक (हाम्रो खेलकुद) – नेपाल एपिएफलाई सेमिफाइनलमा पराजित गर्दै नेपाल पुलिस क्लब दमक गोल्ड कपको फाइनलमा स्थान बनाउन सफल भएको छ। पुलिसका निर किमार राईले पहिलो हाफमा दिलाएको गोल खेलको निर्णायक सावित भयो।

एपिएफका रन्जन बिष्ट, फाइल तस्बिर

क्वाटरफाइनलमा रुस्लान थ्रीस्टारलाई १-० ले पराजित गर्दै सेमिफाइनलमा स्थान बनाएको पुलिसले विभागीय डर्भीमा १-० ले एपिएफलाई पराजित गर्दै फाइनलमा स्थान बनाउन सफल भएको हो । दमक बहुमुखी क्याम्पसको खेल मैदानमा भएको खेलमा निर कुमार राईले खेलको ३७ औं मिनेटमा दिलाएको गोललाई पुलिसले अन्तिम समयसम्म जोगाएको थियो। खेलको एकमात्र गोलकर्ता निर कुमार राई ‘म्यान अफ दी म्याच’ भए। उनले नागाज रु ११ हजार प्राप्त गरे।

पुलिसले फाइनलमा भोलीको दोस्रो सेमिफाइनलमा मनाङ र आर्मीबीचको विजेतासँग भिड्नेछ। प्रतियोगिताको विजेताले १३ लाख ११ हजार प्राप्त गर्नेछ भने उपविजेताले ६ लाख ५० हजार प्राप्त गर्नेछ।