7 years ago
May 5, 2018
काठमाडौं (हाम्रो खेलकुद)– पूर्व अध्यक्ष गणेश थापाले अखिल नेपाल फुटबल संघ (एन्फा)को नव निर्वाचित कार्यसमितिलाई बधाई दिएका छन् । शनिबार भएको एन्फा निर्वाचनले कर्मा छिरिङ शेर्पा नेतृत्वको पुरै प्यानेललाई निर्वाचित गरेको केहि घन्टामा थापाले सामाजिक सञ्जालमार्फत बधाई दिएका हुन् ।
एन्फा पूर्व अध्यक्ष गणेश थापा ।
भ्रष्टाचारको अभियोगमा दुई वर्षअघि फिफाले १० वर्षको प्रतिबन्ध लागेपछि फुटबलका सबै निकायबाट पद च्युत भएका थापाले फेसबुकमार्फत भनेका छन्,’एन्फाका नवनिर्वाचित सबैलाई बधाई छ । सफल कार्यकालका लागि शुभकामना । म आशा गर्छु फुटबल विकासका लागि यसका सरोकारवाला सबै एक ठाँउमा आउनेछन् । नेपाली फुटबललाई अझै उचाईमा पुराउन फुटबल परिवारलाई मेरो सधै शुभकामना रहन्छ ।’
दुई दशकभन्दा लामो समय एन्फाको अध्यक्ष रहेका थापाका कार्यकालमा लामो समय उपाध्यक्ष रहेका शेर्पा एन्फा अध्यक्षमा निर्वाचित भएका छन् । थापाले तीन महिनाअघि नेपाल स्पोर्टस अर्गनाइजेसनको बारेमा जानकारी दिन आयोजित पत्रकार सम्मेलनमा भने शेर्पाले जिते एन्फा कुनै पार्टीको भातृ संगठन हुने दाबी समेत गरेका थिए ।
फिफाले प्रनिबन्ध लगाएपनि नेपाली फुटबल विग्रदा आफु टुलुटुलु हेरेर बस्न नसक्ने बताएका थापाले शेर्पालाई भोट नदिन सार्वजनिक अपिल गरेका थिए । तर, दोस्रो प्रयासमा शेर्पा अत्याधिक मतका साथ विजयी भएका छन् । ७६ मत खस्दा शेर्पाले ६३ मत प्राप्त गरे भने उनका प्रतिद्वन्द्वी मणी कुँवरले १२ मत प्राप्त गरेका थिए । यद्दपी कुँवरले एन्फा निर्वाचन विधान वितरित भएको भन्दा निर्वाचन वहिष्कार गरेका थिए ।
उनीसँगै उपाध्यक्षका उम्मेदवार गणेश चन्दले पनि साधारण सभा र निर्वाचनमा भाग लिएनन् । कुँवर र चन्दबाहेक त्यो प्यानलबाट उम्मेदवारी दिएका बाँकी सबैले निर्वाचनमा भाग लिएका थिए । थापामाथिको कारवाहीपछि गत वर्ष बाँकी अवधिको लागि भएको निर्वाचनमा शेर्पा निवर्तमान अध्यक्ष नरेन्द्र श्रेष्ठसँग ५ मत अन्तरले पराजित भएका थिए । श्रेष्ठसँगै रिक्त उपाध्यक्ष पदमा कुँवर विजयी भएका थिए ।
चार वर्षे कार्यकालका लागि शेर्पा प्यानलका पंकज विक्रम नेवाङ, वीरबहादुर खड्का, कृष्णबहादुर थापा र उपेन्द्रमान सिंह उपाध्यक्षमा निर्वाचित भए । त्यस्तै दावा लामा, निरोज खड्डी, पूर्णमान चित्रकार, रविन्द्रनाथ श्रेष्ठ, मधुसुदन उपाध्यक्ष,प्रदेश सिंह राठौं, दिनेश व्यञ्जनकार, दिर्घबहादुर केसी (कुमार), किरण राई, विजय घले र रत्नकुमार श्रेष्ठमा विजयी भए । १७ सदस्यीय कार्यसमितिका लागि महिला सदस्य पेमा लामा यसअघि नै निर्विरोध निर्वाचित भएकी थिइन् ।
एन्फा पूर्व अध्यक्ष गणेश थापाको फेसबुकबाट
February 12, 2025
काठमाडौं (हाम्रो खेलकुद)- नेपाली राष्ट्रिय फुटबल टोलीकी कप्तान तथा गोलकिपर एन्जिला तुम्बापो सुब्बा ग्रिसबाट आज स्वदेश आइपुग्दै छिन्। अखिल नेपाल फुटबल संघ (एन्फा) का अनुसार एन्जिला आज दिउँसो १:०० बजे त्रिभुवन अन्तर्राष्ट्रिय विमानस्थलमा अवतरण गर्नेछिन् । एन्जिला ग्रिसको निस अट्रोमिटौबाट व्यवसायीक फुटबल खेल्दै आएकी छिन् । अर्को साता सुरु हुने इन्टरनेसनल उमन्स च्याम्पियनसिपका लागि उनी […]
February 12, 2025
पोखरा (हाम्रो खेलकुद)- पोखरा रंगशालामा आज अर्को कीर्तिमान बन्नेछ। जारी २४ औं आहा! रारा पोखरा गोल्डकप फुटबल प्रतियोगितामा आज पहिलो सेमिफाइनल हुँदैछ। आहा राराको इतिहासमा त्यो २ सय ५० औं खेल हो। संयोग आहाको सर्वाधिक सफल टोलीमध्येको एक नेपाल पुलिस क्लबले चर्च ब्वाइज युनाइटेडको सामना गर्दैछ। पुलिस र चर्च ब्वाइज अघिल्ला दुई खेल जत्दै सेमिफाइनल […]
February 12, 2025
एजेन्सी – चेल्सीकी स्टार स्ट्राइकर साम केरलाई बेवकुफ र सेतो भनेपछि जातीय रूपमा उत्प्रेरित दुर्व्यवहारको आरोपबाट अदालतले निर्दोष ठहर गरेको छ। किङ्स्टन क्राउन अदालतको ज्यूरीले ३० जनवरी २०२३ मा दक्षिण-पश्चिम लन्डनको ट्विकेनहममा भएको घटनासँग सम्बन्धित मुद्दामा केरलाई सफाइ दिएको हो। ३१ वर्षीया केरले आफूलाई प्रहरीले उक्साएको बताएकी छन्। उनलाई एक ट्याक्सी चालकले विवादपछि प्रहरी कार्यालयमा […]
