6 years ago
May 5, 2018
दमक (हाम्रो खेलकुद) – आयोजक दमक ११ लाई पराजित गर्दै नेपाल आर्मी क्लब दमकमा जारी दमक गोल्डकपको सेमीफाइनलमा प्रवेश गरेको छ । आज भएको दोश्रो क्वाटरफाइनलमा आर्मीले ६-० को फराकिलो जित हात पार्यो।
आर्मीका लागि ह्याट्रिक प्रहार गरेका नवयुग श्रेष्ठले कुल ह्याट्रिक प्रहार गरे भने कप्तान भारत खवास र विमल पाण्डेले पनि गोल गरे। नवयुग खेलको ‘म्यान अफ दी म्याच’ चुनिए।
दमक बहुमुखी क्याम्पसको खेल मैदानमा भएको खेलमा आर्मीलाई नवयुगले छैटौं मिनेटमा अग्रता दिलाएका थिए। आर्मीका कप्तान भरत खवासले २० औं मिनेटमा टोलीको अग्रता दोब्बर बनाए। त्यस्तै २२ औं मिनेटमा अर्को गोल गर्दै नवयुगले टोलीलाई तेस्रो गोल दिलाए।
पहिलो हाफमा तीन गोलको अग्रता लिएको आर्मीका लागि विनोद पाण्डेले ५३ औं मिनेटमा गोल गरे। जर्ज प्रिन्स कार्कीले ६८ औं मिनेटमा आर्मीलाई अर्को गोल दिलाए। एक पक्षिय खेलमा ८५ औं मिनेटमा नवयुगले गोल गर्दै ह्याट्रिक पुरा गरे।
यसअघि रुपन्देही ११ लाई हराउँदै आयोजक दमक ११ क्वाटर फाइनलमा प्रवेश गरेको थियो भने आर्मीको यो प्रतियोगिताको पहिलो खेल हो। प्रतियोगिताको विजेताले नगद रु १३ लाख ११ हजार र उपविजेताले नगद रु ६ लाखसहित ट्रफि तथा प्रमाणपत्र पाउने छन् ।
आर्मीले मनाङ मस्र्याङ्दी क्लब र सरस्वती क्लबबीचको विजेतासंग सेमिफाइनलमा प्रतिस्पर्धा गर्नेछ । भोलिको खेल नेपाल पुलिस क्लब र थ्री स्टार भिड्दै छ। दुवै टोलीको प्रतियोगिताको पहिलो खेल हो।
October 1, 2024
एजेन्सी – क्रिस्टियानो रोनाल्डोले गोल गरेको खेलमा साउदी अरेबियाको अल नासरले एएफसी च्याम्पियन्स लिग एलिटको समूहचरणको खेलमा आफ्नो अपराजित यात्रा कायमै राखेको छ । कतारको अल रेयान क्लबलाई नासरले सोमवार भएको खेलमा २-१ ले पराजित गरेको छ । अल अवाल पार्क रियादमा भएको खेलमा नासरलाई जिताउन साडियो माने र रोनाल्डोले गोल गरे । रेयानका लागि […]
September 30, 2024
काठमाडौं (हाम्रो खेलकुद)- वर्षाका कारण आएको पहिरो परि मृत्यु भएका एन्फा एकेडेमी सिस्नेरीका ६ युवा खेलाडीको अन्तिम संस्कारका लागि प्रक्रिया अघि बढाइएको अखिल नेपाल फुटबल संघ (एन्फा) ले जनाएको छ। असोज ११ र १२ गतेको वर्षाका कारण मकवानपुर जिल्लाको इन्द्रसरोवर गाउँपालिका वडा नं ३ स्थित श्री वात्सल्य देवी उच्च माविको प्रशिक्षण केन्द्रबाट सुरक्षित स्थानतर्फ जाँदै […]
September 30, 2024
एजेन्सी – इङ्ग्लिस प्रिमियर लिग(इपिएल) म्यानचेस्टर युनाइटेड टोटनहम ह्ट्सपरसँग पराजित भएको छ । आइतवार राति भएको खेलमा युनाइटेड टोटनहमसँग ३-० ले पराजित भएको हो । इपिएलमा युनाइटेडको यो तेस्रो हार हो। युनाइटेडको मैदानमा टोटनहमलाई जित दिलाउन ब्रेनन जोनसन, डेजन कुलुसेभस्की र डोमिनिक सोन्लकेले गोल गरे । खेलको तेस्रो मिनेटमा नै जोनसनले गोल गर्दै टोटनहमलाई अग्रता […]