आयोजक रानी गुफाको विजयी सुरुवात

दिपक बोहोरा
यासोक/ पाँचथर– आयोजक रानी गुफा सेवा समाज यासोकले कुम्याक कुस्सायक गोल्डकप फुटबल प्रतियोगितामा विजयी सुरुवात गरेको छ । रानी गुफाले बिहीबार भएको खेलमा भारतको जलपाइगुडी फुटबल क्लबलाई १–० ले हराएको छ ।

आयोजकका लागि हेमन्त दर्लानले गरेको गोलनै जितका लागि पर्याप्त रह्यो । उनले १५ औं मिनेटमा गोल गरेका थिए । हेमन्तको प्रहारलाई विपक्षी गोलकिपरले क्लियर गर्न नसकेपछि रिबाउन्ड प्राप्त बलमा उनले गोल गरेका थिए । म्यान अफ दी म्याच घोषित हेमन्तले ५ हजार रुपैयाँ प्राप्त गरेका छन् ।

बैशाख २६ गते सम्म चल्ने प्रतियोगितामा झापा , मोरङ ,रेडहर्स इलाम लगायतका ८ टोलीको सहभागिता रहेको छ । प्रतियोगिताको विजेताले उपाधि सहित ३ लाख ११ हजार र दोस्रो हुने टोलीले १ लाख ५५ हजार रुपैयाँ प्राप्त गर्नेछ ।

शुक्रबारको खेल
एकता फुटबल क्लब मोरङविरुद्ध पंचायन फुटबल क्लब सुनसरी