6 years ago
May 3, 2018
किभ (एजेन्सी)– इङ्लिस क्लब लिभरपुलले सेमिफाइनलमा रोमालाई समग्रमा ७–६ ले पराजित गर्दै रियल म्याड्रिडसँग फाइनलमा स्थान बनाएको छ । रियलले भने बायर्न म्युनिखलाई सेमिफाइनलमा पराजित गर्दै फाइनलको यात्रा तय गरेको थियो ।
बलियो दाबेदार स्पेनको रियल र प्रिमियर लिगमा इतिहासमा सुनौलो नाम राखेको लिभरपुलको च्याम्पियन्स लिगमा पहिलो भेट भने होइन । न त क्लब फुटबलको सर्वोकृष्ट प्रतियोगिताको फाइनलमा पहिलो पटकको भेट हो ।
यसअघि युरोपियन कपको नामले चिनिने यस प्रतियोगिताको फाइनलमा सन् १९८०र८१ सिजनमा यी दुई क्लब भेटेका थिए। लिभरपुलले रियललाई १-० ले स्तब्ध पार्दै उक्त प्रतियोगिताको उपाधि जितेको थियो। लिभरपुलका पूर्व प्रशिक्षक तथा महान स्ट्राइकर केनी डाल्गिसको एकमात्र गोलमा लिभरपुल विजयी भएको थियो।
त्यसबाहेक लिभरपुल र रियलले च्याम्पियन्स लिगका अन्य ४ खेलमा प्रतिस्पर्धा गरेका छन्। जसमध्ये रियलले २ तथा लिभरपुलले २ खेल जितेका छन्। यसअघि ब्रेन्डन रोजर्सको प्रशिक्षणमा रहँदा पहिलो पटक प्रिमियर लिगको उपाधि जित्नबाट बन्चित हुँदै च्याम्पियन्स लिगमा स्थान बनाएको लिभरपुलले समूह चरणमा रियलसँग दुवै खेलमा पराजित भएको थियो ।
घरेलु मैदान एन्फिल्डमा ३(० ले पराजित लिभरपुल रियलको घरेलु मैदान बर्नेबाउमा १-० ले पराजित भएको थियो। त्यस्तै त्यसअघि २००८/०९ को सिजनमा लिभरपुलले रियललाई नकआउट चरणको दुवै होम र अवे लेगमा पराजित गरेको थियो।
रियल आफ्नै घरेलु मैदानमा पहिलो लेगमा ०(१ ले पराजित भएको थियो भने दोस्रो लेगमा कप्तान स्टेभेन जेरार्डको दुई गोलको मद्दतमा लिभरपुलले ४-० को फराकिलो जित हासिल गरेको थियो। यो सिजन रियल लगातार तेस्रो पटक च्याम्पियन्स लिग जित्ने पहिलो टोली बन्ने प्रयासमा रहनेछ, त्यस्तै लिभरपुल पनि २००५ यता पहिलो पटक च्याम्पियन्स लिग जित्ने प्रयासमा हुनेछ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]