6 years ago
May 3, 2018
म्युनिख (एजेन्सी) – बायर्न म्युनिख तथा जर्मनी राष्ट्रिय फुटबल टोलीका गोलरक्षक म्यानुएल नोयर चोटका कारण ७ महिनादेखि मैदानबाहिर छन् । गत सेप्टेम्बर महिनामा खुट्टामा चोट बोकेपछि विश्राममा रहेका नोयरले विश्वकपमा भने पुनरागमन गर्ने आशा गरिएको थियो । तर अझैसम्म बायर्नका लागि पुनरागमन नगरेका नोयरले विश्वकप खेल्न थप संघर्ष गर्नुपर्ने देखिएको छ ।
नोयरको अनुपस्थितिमा बायर्न च्याम्पियन्स लिगको सेमिफाइनलमा रियल म्याड्रिडसँग समग्रमा ४-३ ले पराजित हुँदै प्रतियोगिताबाट बाहिरिएको थियो । उनको स्थानमा खेलिरहेका गोलरक्षक स्वेन अलरीचले गम्भीर गल्ति गर्नु नै खेलको टर्निङ पोइन्ट रहेको थियो । खेल बराबरीमा रहेको अवस्थामा उनको गल्तीमा करीम बेन्जेमाले गोल गर्दै खेलमा रियललाई अग्रता दिलाएका थिए । त्यसपछि बायर्नले गोल फर्काएपनि नतिजा उल्टाउन सकेन ।
बायर्नका अध्यक्ष कार्ल हाईन्ज रुमिनेजले नोयरको पुनरागमनको लागि योजना तयार भएपनि यकिन मिति भन्न नसकिने बताए । ‘म यकिन मिति भन्न सक्दिन तर प्रशिक्षक हाइन्कस र नोयरले योजना बनाइरहेका छन् । म् हस्तक्षेप गर्ने पक्षमा छैन । उनले लगातार आफ्नो फिटनेस सुधार गरिरहेको सूचना पाएको छु र आशा गरौं उनि छिट्टै मैदानमा फर्कने छन्,’ अध्यक्ष रुमिनेजेले भने ।
बुन्डेसलिगामा अझै दुई चरणका खेल बाँकी रहेको अवस्थामा बायर्नले नोयरलाई मैदानमा उतार्ने सम्भावना रहेको छ । विगत केहि सातादेखि प्रशिक्षणमा फर्किएका नोयरले अभ्यास खेलमा समय बिताएपनि शत प्रतिशत फिट भने नभएको जानकारी क्लबले दिएको छ । उनले आगामी दुई खेलमा भने खेल्न सक्नेछन् ।
जर्मनीको राष्ट्रिय टोलीको प्रारम्भिक नामावली मे १५ तारिखमा सार्वजनिक हुने कार्यक्रम छ । राष्ट्रिय टोलीका प्रशिक्षक जोकिम लोले पनि नोयरको फिटनेसलाई लिएर केहि आशा देखेका छन् । उनले नोयरलाई प्रारम्भिक छनोटमा संलग्न गरेर प्रशिक्षणमा उनको प्रदर्शन हेर्ने बताए । चोट बोक्नुअघि नोयर क्लब र राष्ट्रिय टोलीका पहिलो रोजाईका गोलरक्षक थिए । उनको अनुपस्थितिमा बार्सिलोनाका मार्क आन्देर टेर स्टेगनले गोलरक्षकको भूमिका निर्वाह गर्दै आएका छन् ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]