6 years ago
May 3, 2018
लन्डन (एजेन्सी) – लिभरपुलका फरवार्ड मोहमद सलाह जारी सिजन उत्कृष्ट फर्ममा छन् । लिभरपुलका लागि सबै प्रतियोगितामा ४३ गोल गरिसकेका सलाहले टोलीलाई च्याम्पियन्स लिगको फाइनलसम्म पुर्याएका छन् । भर्खरै ला लिगा उपाधि पक्का गरेका बार्सिलोनाका लिओनेल मेस्सीले पनि सलाहझैं ४३ गोल गरेका छन् ।
गएराती रोमाविरुद्ध ४-२ को हारमा सलाहले लिभरपुलका लागि गोल गर्न सकेनन् । तर उनको प्रदर्शन भने हेर्नलायक थियो । समग्रमा ७-६ को जित दर्ता गर्दै लिभरपुलले उपाधि भिडन्तमा रियल म्याड्रिडको सामना गर्ने पक्का गर्यो । बार्सिलोनाका पूर्व खेलाडी प्याट्रिक क्लाइभर्टले सलाह विश्व फुटबल जगतका नयाँ मेस्सी भएको प्रतिक्रिया दिएका छन् । बार्सिलोनाका लागि १ सय भन्दा बढी गोल गरेका क्लाइभर्टले ट्वीटरमा यस्तो अभिव्यक्ति दिएका हुन् ।
उनले लेखेका छन्, ‘हामी सबैले मान्नुपर्छ कि सलाह नयाँ मेस्सी हुन् । अब उनले अहिलेको फर्मलाई प्रत्यक सिजन निरन्तरता दिनुपर्छ । उनले अहिले जे देखाईरहेका छन् त्यो नै फुटबलको सुन्दरता हो । अब हामी उनले मैदानमा के कस्तो प्रदर्शन गर्छन् हेरौं ।’
गत सिजन एएस रोमाबाट लिभरपुल आएका सलाहले क्लबका लागि उल्लेख्य प्रदर्शन गरिरहेका छन् । प्रिमियर लिगमा सर्वाधिक गोलकर्ता रहेका सलाहले ३१ गोल गरेका छन् । उनलाई टोटेनहमका ह्यारी केनले ४ गोल कम गर्दै पछ्याईरहेका छन् । सलाहले यस सिजनको पीएफए प्लेयर अफ द इयर अवार्ड र प्रतिष्ठित एफडब्लुए फुटबलर अफ द इयरको अवार्ड पनि हात पारिसकेका छन् ।
लिगमा ३२ गोल गरेका लिओनेल मेस्सी युरोपको सर्वाधिक गोलकर्ता बन्ने होडमा सलाहसँग प्रतिस्पर्धामा छन् । सँगसँगै यस वर्षको ब्यालोन डी’ओर अवार्डमा पनि सलाहले मेस्सी र रोनाल्डोको वर्चस्वलाई कडा चुनौती दिने अपेक्षा गरिएको छ । पाँच पटक यो उपाधि हात पारेका मेस्सीले सन् २०१५ यता उपाधिविहिन रहँदै आएका छन् । रोनाल्डो र सलाह आगामी मे २६ मा हुने च्याम्पियन्स लिग फाइनलमा आमने सामने हुँदैछन् ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]