लस एन्जल्स (एजेन्सी)– मेजर सकर लिगमा पहिलो सिजनमा प्रभावशाली सुरुवात गरेका लस एन्जल्स ग्यालेक्सीका स्ट्राइकर ज्लाटान इब्राहिमोभिचले पूर्व क्लब म्यानचेस्टर युनाइटेड र त्यसका प्रशिक्षक जोसे माउरिन्होलाई सम्झेका छन् । डेब्यूमै गोल गरेका इब्राहिमोभिचले ३ गोल गरिसकेका छन् ।

युनाइटेडसँगको सम्झौता आपसी सहमतिमा टुंगाउँदै इब्राहिमोभिच अमेरिका पुगेका थिए । चोटका कारण लामो समय मैदान बाहिर रहेका इब्राहिमोभिचसँग युनाइटेडले पुनः एक वर्षको सम्झौता गरेको थियो । तर, त्यो सिजन भने उनी खासै जम्न सकेनन् ।

ट्वीटरमा भिडियो पोस्ट गर्दै इब्राहिमोभिचले भनेका छन्, ‘म यहाँ ठिक छु । सबै समर्थकलाई भन्नचाहन्छु , मैले सबैलाई मिस गरेको छु । ओल्र्ड ट्राफोडमा खेलेको र रातो जर्सीलाई सधै सम्झन्छु । त्यहाँका थ्रुपै सम्झना छन् ।’

उनले सन्देशमा अगाडि भनेका छन्, ‘म सबैलाई धन्यवाद दिन चाहन्छु । जसले मलाई सधै साथ दिए । म टोलीका सहकर्मीप्रति अभारी छु, किनकी उनीहरुले मेरो सहजताका लागि सहयोग गरे ।’

इब्राहिमोभिचले माउरिन्होलाई सम्बोधन गर्दै भनेका छन्, प्रशिक्षक माउरिन्होलाई पनि एकदम सम्झना छ । जितका लागि के गर्नुपर्दछ उनलाई थाहा छ । यो कसैबाट लुकेको छैन ।बार्सिलोना, इन्टर मिलान, एसी मिलान, युभेन्ट्सका पूर्व स्टारले युनाइटेडको वर्षको उत्कृष्ट खेलाडीका लागि डेभिड डि जियालाई मत गरेका थिए ।

२०१६ /१७ को सिजनमा युनाइटेडका लागि इब्राहिमोभिचले ४४ खेलमा २८ गोल गरेका थिए । उनले भने, ‘गोलकपिर पनि प्लेयर अफ दी एयर बन्न सक्छन् । उनीको यो वर्ष उत्कृष्ट रह्यो । उनले उच्च प्रदर्शनलाई निरन्तरता दिएका छन् । ‘