दमक (हाम्रो खेलकुद) – रमपम झापा ११ दमक गोल्डकपको पहिलो खेलबाट बाहिरिएको छ। मदन भण्डारी स्पोर्ट्स एकेडेमीसँग ४-० ले पराजित हुँदै झापा पहिलो खेलबाट बाहिरिएको हो। प्रतियोगिताको उद्घाटन सम्मानिय प्रधानमन्त्री केपी शर्मा ओलीले गरेका थिए।

खेलको सुरुआती मिनेटमा पेनाल्टी मार्फत अग्रता लिने अवसर झापाले गुमाएको थियो। कर्ण लिम्बुको पेनाल्टी क्रसबारमा लागेपछि झापाले अग्रता लिने अवसर गुमायो।

मदन भण्डारी स्पोर्ट्स एकेडेमीलाई विदेशी खेलाडी मापवेलले १२ औं मिनेटमा अग्रता दिलाए। त्यस्तै पछिल्लो प्रतियोगिता संकटाबाट खेलेका थ्री स्टारक्लबका पूर्व विङ्गर प्रकाश बुढाथोकीले २४ औं मिनेटमा अग्रता दोब्बर गरे। ३८ औं मिनेटमा मापवेले पुनः गोल गर्दै पहिलो हाफमा मदन भण्डारी एकेडेमीलाई ३-० को सहज अग्रता दिलाए।

दोस्रो हाफमा अवालेले ५८ औं मिनेटमा गोल गर्दै मदन भण्डारी स्पोर्ट्स एकेडेमीलाई ४-० जितको बाटो देखाए। विजयी टोलीका सौजन राई खेलको म्यान अफ दी म्याच घोषित भए ।

आज भएको खेलमा झापालाई हराउने क्रममा बिदेशी खेलाडी मापवेलले १२ र ३८ मिनेटमा गरि दुई गोल गरे भने नेपालि खेलाडी प्रकाश बुढाथोकीले २४ औं मिनेटमा गोल गरेका थिए त्यस्तै अर्को गोल भने दोस्रो हाफको ५८ औं मिनेटमा अबाले गरेका थिए ।