म्याड्रिड (एजेन्सी)– बायर्न म्युनिखलाई घरेलु मैदानमा गए राती २–२ को बराबरीमा रौक्दै रियल म्याड्रिडले दुई लेगमा समग्र ४–३ को नतिजासहित च्याम्पियन्स लिगको फाइनलमा स्थान सुरक्षित पारको छ ।  रियलले लगातार तेस्रो पटक च्याम्पियन्स लिगको फाइनलमा स्थान बनाउँदै कीर्तिमान समेत रचेको छ । 

यसअघिका लगातार दुई सिजनमा च्याम्पियन्स लिग उपाधि जित्ने पहिलो टोलीको कीर्तिमान बनाएको थियो । यसपटकको फाइनल यात्रासँगै दुई पटक लगातार तीन सिजन च्याम्पियन्स लिगको फाइनल पुग्ने पहिलो टोलीको कीर्तिमान पनि बनाएको छ ।

यसपटक रियललाई फाइनल पुर्याउनेमा गोलकिपर कलर नाभासको भूमिका महत्वपूर्ण रह्यो । बायर्नका प्रशिक्षक यप हायन्केसले रियलको जित गोलकिपर नाभासविना संभव नहुने बताएका छन् ।

खेलपछि पोस्ट म्याच कन्फ्रेन्समा उनले भने, ‘नाभासको उच्च प्रदर्शनकै कारण रियल फाइनलमा पुगेको हो । दुवै लेग हेर्ने हो भने हामी उत्कृष्ट टोली थियौं । त्यसैले फाइनल नपुग्दा सम्पूर्ण टोलीमा निराशा छ ।’

नाभासले दोस्रो लेगमा उत्कृष्ट प्रदर्शन गरे । उनले बायर्नको ८ वटा भन्दा बढी विफल पारेका थिए । प्रशिक्षक हायन्केसले चोटका कारण पनि बायर्नलाई असहज भएको बताए ।

‘पहिलो लेगमा खेलाडीहरुलाई चोटका कारण गुमायौं । ५ खेलाडी परिवर्तन गर्नुपर्यो,’ उनले थपे, ‘ हारको बहाना बनाएको हैन तर चोटले हामीलाई मुस्किल परेको हो ।’