बार्सिलोना (एजेन्सी)– बार्सिलोना स्टार लियोन मेस्सीले अन्य कुनै पनि क्लब भन्दा आफ्नो टोली सुरुवातबाटै ला लिगा जितको जितको हकदार रहेको बताएका छन् । बार्सिलोनाले डिर्पोटटिभो ला कुरुनालाई आइतबार ४–२ ले हराउँदा मेस्सीले ह्याट्रिक गरेका थिए ।

सिजभर उच्च प्रदर्शन गरको बार्सिलोना यो सिजन कुनै खेल नगुमाउँदै ला लिगा च्याम्पियन बनेको छ । तर, एट्लेटिको म्याड्रिड र रियल म्याड्रिडले भने ला लिगामा यो सिजन एकरुपताको प्रदर्शन गर्न सकेनन् । मेस्सीले सिजभर आफ्नो टोलीले स्तरीय प्रदर्शन गरेको बताए ।

‘अन्य टोलीले भन्दा हामीले सुरुवातबाट निकै स्तरीय प्रदर्शन गर्यो । हामीले ला लिगाका कुनै खेल हारेनौं,’ उनले भने, ‘एउटा कोपा डेल रेमा र दुर्भाग्यवश च्याम्पियन्स लिगमा पराजित भयौं । ती अपेक्षा विपरित थिए । यहाँ सम्म उच्च प्रदर्शन गरेर आइपुग्नु आफैमा कठिन छ ।’

क्लबका महान खेलाडी आन्द्रे इनियस्टाले पनि बार्सिलोनाको आफ्नो अन्तिम सिजन २ उपाधिका साथ टुंगाउने भएका छन् । च्याम्पियन्स लिगको हारले नै इनियस्टा क्लब छोड्ने मनस्थितिमा पुगेको हुन सक्ने अनुमान गरिएको छ । तर पनि ला लिगा र कप जित्नुपनि पनि इनियस्टाका लागि राम्रो विदाई भएको मेस्सीले बताए ।

‘च्याम्पियन्स लिगको पराजयमा हामीलाई पक्कै दुःख लागेको छ । त्यो साच्चै दुःखदायी थियो,’ मेस्सीले भने, ‘त्यसका वावजुद हाम्रो सिजन राम्रो रह्यो । दुईवटा उपाधिको भन्दा हामी बढीको हकदार थियौं । इनियस्टाले क्लबका लागि सबै दिए । हामी उनको खुसद भविष्यको कामना गर्दछौं ।’

आइतबारको गोलसँगै ला लिगामा यो सिजन मेस्सीको ३२ गोल पुगेको छ । लगातार सात सिजन ला लिगमा ३० गोल वा त्यो भन्दा बढी गोल गर्ने उनी मेस्सी एक्लो खेलाडी बनेका छन् ।