6 years ago
April 29, 2018
रोम (एजेन्सी) – च्याम्पियन्स लिगको सेमिफाइनलअन्तर्गत दोस्रो लेगको खेलमा एएस रोमाले घरेलु मैदानमा लिभरपुललाई निम्त्याउँदै छ । गत साता भएको पहिलो लेगमा ५-२ ले पछाडी पारेको रोमाले बुधबार उक्त स्कोरलाई समग्रमा बराबरीमा ल्याए रोमा अगाडी बढ्नेछ ।
रोमाका प्रशिक्षक इउजेबियो डी फ्रान्सेसकोले लिभरपुलविरुद्धको खेलमा रोमाले आफ्नो तर्फबाट सक्दो राम्रो फुटबल खेल्ने प्रतिवद्धता व्यक्त गरे । ‘हामीले मानसिक र शारीरिक रुपमा आफ्नो तर्फबाट सकेको जति दिनुपर्छ । बुधबार खेल सकिएर निस्कँदा हामीले आफुले सकेको सबै प्रयास गरेको अवस्था हुनुपर्छ । नतिजा जे भएपनि उक्त दिनको प्रदर्शनले हामी र समर्थक खुसी हुने आशा राखेको छु,’ उनले भने ।
यसअघि च्याम्पियन्स लिगमा बार्सिलोनाविरुद्ध पनि यस्तै अवस्थामा रोमाले ऐतिहासिक नतिजा आत्मसात गरेको थियो । उक्त खेलबाट पनि धेरै सिकेको प्रशिक्षक फ्रान्सेसकोले बताए । ‘हामीले पछिल्लो चरणमा पनि च्याम्पियन्स लिगको खेलमा एकै लेगले निर्णय हुँदैन भन्ने सिद्ध परेका छौं । यसपटक पनि हामी त्यसलाई निरन्तरता दिने हरप्रयास गर्नेछौं,’ उनले भने ।
रोमाले शनिबार इटालियन लिगमा किएभो भेरोनालाई ४-१ ले पराजित गरेको थियो । १० खेलाडीमा सिमित रोमाको लागि एडिन जेकोले दुई तथा प्याट्रिक सिक र स्टेफान एल सारावीले १-१ गोल गरे । यस जितसँगै रोमाले लाजियोलाई उछिन्दै तेस्रो स्थानमा उक्लिएको छ । लिगको तीन खेल बाँकी रहँदा रोमा पाँचौ स्थानको इन्टर मिलानभन्दा ४ अंकले अगाडी छ ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]