लिभरपुल (एजेन्सी) – प्रिमियर लिग अन्तर्गत गएराती भएको खेलमा लिभरपुलले घरेलु मैदानमा स्टक सिटीविरुद्ध गोलरहित बराबरी खेल्दै अंक गुमाएको छ। त्यस्तै चेल्सीले भने स्वान्सी सिटीविरुद्ध ०-१ को जित निकाल्दै शिर्ष ४ को सम्भावना कायम राखेको छ। 

च्याम्पियन्स लिगमा रोमाविरुद्ध ५-२ ले विजयी लिभरपुलको टोलीमा ५ परिवर्तन थियो। पहिलो हाफमा मोहोम्मद सालाहले गोल गर्ने अवसर गुमाए। वन अन वनमा सालाहले गोल गर्न सकेनन। त्यस्तै ड्यानी इङ्सले गोल गरेपनि अफसाइडका कारण रेफ्रीले उक्त गोल अस्विकार गरे। साडियो मानेलाई चोटका कारण विश्राम दिएको लिभरपुलले दोस्रो हाफमा पनि गोल गर्न नसक्दा घरेलु मैदानमा बराबरी खेल्दै अंक बाढ्न बाध्य रह्यो।

अर्को खेलमा भने चेल्सीले स्वान्सीको घरेलु मैदानमा १-० को जित हासिल हार्यो। सेस्स फ्याब्रेगासको निर्णायक गोलमा चेल्सी विजयी भयो। खेलको चौथो मिनेटको गोल नै निर्णायक साबित भयो।

प्रिमियर लिगमा गएराती भएको अन्य खेलहरुमा बर्न्ली र ब्राइटनले पनि गोलरहित बराबरी खेले भने क्रिस्टल प्यालेसले लेस्टरविरुद्ध घरेलु मैदानमा ५-० को फराकिलो जित हासिल गर्यो। एभर्टनले हडर्ल्सफिल्डलाई उसैको घरेलु मैदानमा २-० ले पराजित गर्यो भने न्युकासलले वेस्ट ब्रमलाई ०-१ तथा साउथह्यामटनले बोउर्नेमोथलाई २-१ ले हरायो।

अंक तालिकामा लिभरपुल ३६ खेलमा ७२ अंकसँगै तेस्रो स्थानमा छ। चेल्सी ३५ खेलमा ६६ अंकसहित पाँचौ स्थानमा छ भने टोटेनह्यामको ३४ खेलमा ६८ अंक छ। रेलिगासनको लडाईमा रहेको साउथह्यामटनको १८औं स्थानमा ३२ अंक छ भने एक स्थानमाथि स्वान्सीको ३३ अंक छ।