6 years ago
April 28, 2018
बार्सिलोना (एजेन्सी)– आन्द्रे इनियस्टाले यो सिजनको अन्त्यसँगै बार्सिलोनासँगको लामो यात्राको अन्त्य गर्ने घोषणा गरेका छन् । १२ वर्षको उमेरमा बार्सिलोनामा आबद्ध भएका इनियस्टाले २२ वर्षपछि औपचारिक रुपमा विदाई लिन लागेका हुन् ।
यो सिजनको अन्त्यसँगै उनले क्लब छोड्ने चर्चा केहि अघिबाटै चलेपनि शुक्रबार उनले औपचारिक रुपमा सार्वजनिक गरेका हुन् । यद्दपी उनले अबको गन्तव्यका बारेका बताउँन चाहेनन् । उनी एमएलएसका लागि अमेरिका वा चीन जान सक्ने बताइएको छ ।
औपचारिक घोषणा कार्यक्रममा भावुक हुँदै इनियस्टाले भने, ‘बार्सिलोनामा यो मेरो अन्तिम सिजन भएको सार्वजनिक गर्दछु ।’ उनले आफ्ना लागि बार्सिलोना विश्वकै उत्कृष्ट क्लब भएको समेत बताए । ‘यो क्लबले मलाई सब थोक दियो । अब मेरो भूमिका यहाँ आएर टुंगिदैछ । टोलीले म भन्दा उत्कृष्ट खेलाडीको हक राख्दछ । मानसिक वा शारीरिक रुपमा म भविष्यमा आफ्नो उत्कृष्ट दिन सक्दिन ।’
उनले विदा माग्न सहज नहुने समेत सुनाए । ‘विदाई माग्न कठिन हुन्छ । क्लब र क्लबका साथीहरुलाई धन्यवाद दिन चाहन्छु । श्रीमती, परिवार र मलाई साथ दिने सबै प्रति आभारी छु,’ उनले भने, ‘सबै अवस्थामा साथ दिने समर्थकको साथ रह्यो । एउटा व्यक्तिका रुपमा यति साथ पाउनु आफैमा अश्विसनिय छ ।’
इनियस्टाले परिवार र नजिककाहरुलाई केहि अघि नै क्लब छाड्ने जानकारी दिएका थिए । कहि समय लिएर उनले टोलीका अन्य साथी र विश्वभरका सञ्चारमाध्यमलाई औपचारिक जानकारी गराए । सन् २००२ को जुलाईबाट उनीले बार्सिलोनाको सिनियर टोलीबाट खेलेका थिए । १६ सिजन क्लबमा विताउने क्रममा उनले अहिले सम्म ६ सय ७० खेल खेले ।
बार्सिलोनामा आबद्ध भएयता उनले २९ उपाधि जितिसकेका छन् । यहि बीचमा उनले ८ ला लिगा, ४ च्याम्पियन्स लिग उपाधि जितेका छन् । टोलीको कप्तानी समेत गर्दै महान खेलाडीको सुचिमा राख्न आफुलाई सफल भएका इनियस्टा बार्सिलोनको एकेडेमीबाट आएका खेलाडी हुन् ।
बार्सिलोनाले उनलाई खेल जीवनपछि पनि क्लबमै राख्न चाहेको थियो । उनलाई प्रशिक्षक इर्नेस्टो भाल्भार्डेको सहगोगीका रुपमा क्लबले हेरेको थियो । तर, सबै सम्भावनालाई पूर्णविराम लगाउँदै उनले क्लब छाड्ने निर्णय सुनाएका छन् ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]