6 years ago
April 27, 2018
बार्सिलोना (एजेन्सी)– बार्सिलोनाका अध्यक्ष जोसेप मारिया बोर्टेमेउले सन् २००४ यता आन्द्रे इनियस्टा क्लबका सबैभन्दा महत्वपूर्ण खेलाडी भएको बताएका छन् । यो सिजनको अन्त्यसँगै ३३ वर्षे मिडफिल्डरले क्लब छाड्ने अपेक्षा गरिएको छ । त्यसको घोषणा उनले चाँडै गर्ने अनुमान गरिएको छ ।
लामो समयदेखि क्लबका प्रभावशाली खेलाडी इनियस्टा अझै क्लबमा रहुन् भन्ने अध्यक्ष बोर्टेमेउको चाहाना छ । उनले इनियस्टाले क्लब छाड्न लागेको विषयमा केहि बोलेनन् ।
‘२००४ देखि इनियस्टा हाम्रो क्लबका महत्वपूर्ण खेलाडी रहँदै आएका छन्,’ उनले भने,‘ फ्रान्क रायकार्डको समयदेखि उनी सबैको रोजाइमा परेका छन् ।’अध्यक्ष बोर्टेमेउले इनियस्टाको भविष्यका विषयमा उनले मात्र भन्न सक्ने बताए ।
‘यो बारेमा उनले नै बोल्दा राम्रो हुन्छ । म उनलाई कुनै कुराको पनि सुझाव दिन सक्दिन,’ उनले थपे,‘ हामीले उनको सम्मान गर्नुपर्दछ । हरेक अविभावकले उनी जस्तो छोरा चाहन्छन् ।’ नयाँ चुनौतिका लागि इनियस्टाले बार्सिलोनासँगको लामो आबद्धता तोड्ने सोच बनाएका हुन् ।
बार्सिलोनामा उनले ८ ला लिगा उपाधि जितिसकेका छन् भने नवौं जित्ने क्रममा छन् । त्यस्तै उनले टोलीबाट चार वटा च्याम्पियन्स लिग उपाधि जितेका छन् । हालै मात्र सेभियालाई ५–० ले हराउँदै बार्सिलोनाले कोपा डेल रेको उपाधि जित्दा इनियस्टाले पनि गोल गरेका थिए ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]