स्वीडेन (एजेन्सी)– ज्लाटान इब्राहिमोभिच अन्तर्राष्ट्रिय फुटबल संयासबाट फिर्ता आउने सम्भावना टुंगिएको छ । स्वीडेनले विश्वकपका लागि उनलाई टोली नफर्काउने प्रष्ट पारेको छ ।

केहि साताअघि म्यानचेस्टर युनाइटेडबाट एलए ग्यालेक्सी पुगेका ३६ बर्षे इब्राहिमोभिचले दुई वर्षअघि अन्तर्राष्ट्रिय फुटबलबाट संयास लिएका थिए । स्वीडेनका लागि १ सय १६ खेल खेलेका उनले केहि दिन अघि स्वीडेन फुटबल टोलीमा फर्कने इच्छा व्यक्त गरेका थिए ।

तर स्वीडन पुरुष फुटबल टोलीको अफिसियल इन्स्टाग्राम पेजमा भनिएको छ, अन्तिम सन्देश, ज्लाटानले विश्वकप खेल्ने छैनन् । राष्ट्रिय टोलीका लागि सबैभन्दा बढी गोल गरेका उनी खेल्नका लागि फर्कने छैनन् ।

राष्ट्रिय टोलीका प्रशिक्षक लार्स रिच्टले भने, मैले मंगलबार ज्लाटानसँग कुरा गरेको थिए । उनले राष्ट्रिय टोली नफर्कनेमा मनस्थिति कुनै परिवर्तन नभएको बताए । युभेन्ट्स, बार्सिलोना र पेरिस सेन्ट जर्मेनका पूर्व स्टार इब्राहिमोभिचले स्वीडेनबाट सन् २००२ र २००६ को विश्वकप खेलेका थिए । देशका लागि उनले ६२ गोल गरका छन् ।

यसै महिनाको सुरुआतमा उनले रसिया विश्व कप खेल्ने इच्छा व्यक्त गरेका थिए । प्ले अफमा इटालीलाई हराउँदै स्वीडेन विश्वकपका लागि छनोट भएको थियो । विश्वकपमा स्वीडेन साविक विजेता जर्मनी, मेक्सिको र दक्षिण कोरियाको समूहमा रहेको छ ।