6 years ago
April 26, 2018
म्युनिख (एजेन्सी) – रियल म्याड्रिडविरुद्ध युरोपेली च्याम्पियन्स लिगको सेमिफाइनल सुरु हुनुअघि बायर्नलाई खेलाडीको चोटले सताएको थियो । रियलविरुद्धको खेलमा तीन खेलाडी चोटका कारण बाहिरीपछि बायर्न थप समस्यामा पारेको छ ।
खेलको छैटौं मिनेटमा विङ्गर आर्जेन रोबेनलाई गुमाएको बायर्नले उनको स्थानमा थियागोलाई मैदानमा उतारेको थियो । ३४ वर्षीय रोबेनको अनुपस्थितिका कारण बायर्नको आक्रमण केहि कमजोर देखिएको थियो । ३४ औं मिनेटमा डिफेन्डर जेरोम बोटेङ पनि चोट लागेपछि मैदान बाहिरिए । उनको स्थानमा निकलास सुल मैदान प्रवेश गरेका थिए । खेलको १५ मिनेट समय बाँकी रहँदा जाभी मार्टीनेज कन्कसनको शिकार बनेपछि कोरेन्टिन टोलिसोले उनको स्थान लिएका थिए ।
जर्मन पत्रिका स्पोर्ट विल्डका अनुसार रोबेन खेल हुँदै रंगशालाबाट बाहिरिएका थिए । बायर्नका एक्ला गोलकर्ता जोसुआ किमिचले रोबेनको अनुपस्थितिका कारण बायर्नको रणनीति सफल हुन नसकेको बताए । ‘ रोबेन खेलको सुरुआतमै चोट बोकेर बाहिरिनु दुर्भाग्यपूर्ण थियो । उनले विपक्षी खेलाडीलाई आफूतिर तान्दा मलाई खेल्न निकै सहज हुने थियो,’ उनले भने ।
प्रशिक्षक जुप हाइन्कसका अनुसार बोटेङले दोस्रो लेगमा फर्कने सम्भावना निकै कम छ । ‘उनको मांशपेसीमा चोट लागेको हुनाले अर्को खेलको लागि ठिक हुने सम्भावना एकदम कम छ । उनको अनुपस्थितिले टोलीलाई निकै असर पर्छ,’ प्रशिक्षकले भने । रोबेनको चोटबारे भने अझै विस्तृत विवरण आउन बाँकी छ । मार्टिनेजले भने केहि दिन विश्राम लिएपछि मैदानमा फर्कन सक्ने अवस्था छ ।
बायर्न र रियलबीचको सेमिफाइनल दोस्रो लेगको खेल अर्को साता रियलको घरेलु मैदानमा हुँदैछ । पहिलो लेगमा २-१ ले अगाडी रहेको रियलका ड्यानी कार्भाजलले पनि चोटका कारण मैदान छाडेका थिए । उनको उपस्थितिबारे प्रशिक्षक जिदानले केहि बोलेका छैनन् ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]