6 years ago
April 26, 2018
लन्डन (एजेन्सी) – युरोपा लिगको सेमिफाइनलमा इंग्ल्यान्ड र स्पेनका दुई ठूला क्लब आमने-सामने हुँदैछन् । प्रिमियर लिगको छैटौं स्थानमा रहेको आर्सनल र स्पेनिस लिगको दोस्रो स्थान ओगटेको एट्लेटिको म्याड्रिड फाइनलमा स्थान बनाउन भिड्न लागेका हुन् । बिहीबार राती हुने पहिलो लेग आर्सनलको घरेलु मैदान इमिरेट्स स्टेडियममा हुँदैछ ।
आर्सनलका मेसुट ओजील, ज्याक विल्सियर र पिटर चेकले आइतबार वेस्ट ह्यामविरुद्धको खेल चोटका कारण गुमाएपनि तीनै खेलाडी यस खेलका लागि उपलब्ध छन् । चेल्सीका पूर्व फरवार्ड डिएगो कोस्टा पनि एट्लेटिकोको २० सदस्यीय टोलीमा अटाएका छन् । प्रशिक्षक डिएगो सिमिओनीले शनिबार मात्र कोस्टा ह्यामस्ट्रीङ चोटका कारण कुनै हालतमा उपलब्ध नहुने बताएका थिए । कोस्टाले चोटका कारण ३ खेल गुमाईसकेका छन् ।
एट्लेटिको म्याड्रिडका विङब्याक जुआनफ्रान भने ह्यामस्ट्रीङ चोटका कारण उपलब्ध छैनन् । आर्सनलका हेनरिक मिखीतार्यान घुँडाको चोटका कारण पहिलो लेगमा उपस्थित हुने छैनन् । उनले दोस्रो लेगमा पुनरागमन गर्ने सम्भावना छ । वेस्ट ह्यामविरुद्ध एंकलको लिगामेन्टमा चोट लागेका मोहमद एल्नेनीले विश्वकप नखेल्ने सम्भावना बढेको छ ।
डर्टमुन्डबाट जनवरीमा आर्सनल आएका फरवार्ड पिएर एमेरिक औबामेयाङ प्रतियोगितामा खेल्न पाउने छैनन् । यसअघी बोरुसिया डर्टमुन्डका लागि खेलेका कारण उनी दर्शकदिर्घामा रहेर खेल हेर्नेछन् । यस सिजन युरोपा लिगमा सर्वाधिक २९ गोल गरेको आर्सनलको आक्रमण एल्क्जेन्डर लाकाजेटले सम्हाल्नेछन् । प्रशिक्षकका रुपमा आर्सेन वेंगरले पहिलो पटक एट्लेटिको म्याड्रिडको सामना गर्दैछन् ।
एट्लेटिको प्रशिक्षक सिमिओनीले हालसम्म इंग्ल्यान्डको मैदानमा युरोपेली खेलमा हार बेहोरेका छैनन् । उनले यसअघि खेलेका ३ खेलमा १ जित र २ बराबरी खेलेका हुन् । कोस्टाले आर्सनलविरुद्ध खेलेका ६ खेलमा ३ गोल गरेको तथ्यांकले पनि टोलीलाई सहयोग पुग्नेछ ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]