7 years ago
April 25, 2018
काठमाडौं (हाम्रो खेलकुद)– क्रिकेटका सन्दीप लामिछाने, फुटबलका किरण चेम्जोङसहित पाँच अलग अलग खेलका खेलाडी पल्सर स्पोर्टस अवार्ड २०७४ को पिपुल्स च्वाइस अवार्डको मनोनयनमा परेका छन् ।
अर्को महिना हुने अवार्डका लागि नेपाल खेलकुद पत्रकार मञ्चले बुधबार पत्रकार सम्मेलनमार्फत पिपुल्स च्वाइस अवार्ड मनोनयन सार्वजनिक गरेको हो । सन्दीप, किरणसँगै मनोनयमा पर्नेमा भलिबलका मानबहादुर श्रेष्ठ, गल्फकी प्रतिमा शेर्पा र टेबल टेनिसका स्यान्टु श्रेष्ठ छन् ।
२०७४ सालभरि गरिएको प्रदर्शन र पाएको चर्चाको आधारमा पिपुल्स च्वाइस विधाको लागि खेलाडी छनोट गरिएको मञ्चले जानकारी दिएको छ । मनोनयमा पर्ने सबै खेलाडी आ आफ्नो खेलका कारण वर्षभर चर्चामा रहन सफल भएका थिए । मिनेरवा पञ्जाब एफसीलाई भारतको आइ लिग च्याम्पियन बनाउन महत्वपूर्ण भूमिका निर्वाह गरेका किरणले त्यसअघि माल्दिभ्सको धिवेही प्रिमियर लिग पनि खेलेका थिए ।
भलिबल टोलीका नियमिति सदस्य मानबहादुरले घरेलु प्रतियोगितामा उच्च प्रदर्शन गरेका थिए । प्रतिभा नेपाली महिला गल्फरमा नम्बर एक खेलाडी हुन् । व्यावसायिक गल्फ ‘सूर्य नेपाल गल्फ टुर’को छनोट खेल्ने उनी पहिलो महिला नेपाली खेलाडी हुन् । उनी फाल्डो सिरिज नेपालकी विजेता हुन् ।
सन्दीप वर्ष भर युवा र राष्ट्रिय टोलीमा गरेको प्रदर्शनका कारण चर्चामा रहे । इन्डियन प्रिमियर लिग (आईपीएल) टोली दिल्ली डेयरडेभिल्समा आबद्ध उनी र क्यारेवियन प्रिमियर लिग (सीपीएल) मा पनि खेल्ने तयारीमा छन् । उनले २०७४ सालमा कुल ८६ विकेट लिएका थिए ।
स्यान्टु ३९ औं राष्ट्रिय टेबलटेनिसमा पुरुष सिंगल्स, डबल्स र टिम स्पर्धामा स्वर्ण पदक जितेका थिए । उनी टेबल टेनिसमा आशा गरिएका खेलाडी हुन् । मञ्चले यसमा विजेता छनोट गर्ने विधिलाई विगतमा भन्दा केहि परिवर्तन गरिएको बताइएको छ । यसअघि एसएमएस र फेसबुक लाइक्सको आधारमा विजेता छनोट हुँदै आएको थियो ।
यसपटक एसएमएस, फेसबुक लाइक्स, विभिन्न खेलका प्रशिक्षक र मञ्चका सदस्य सदस्यको मतका आधारमा विजेता छनोट गरिनेछ । एसएमएस र लाइक्सको मतभार ५० प्रतिशत बनाइएको मञ्चले जनाएको छ । चार फेसबुक लाइक्सको मतभार १ एसएमएस बराबर हुनेछ ।
त्यस्तै सातौं राष्ट्रिय खेलकुदमा समावेश खेलका प्रशिक्षकहरू र मञ्चका सबै सदस्य पनि पिपुल्स च्वाइसमा निर्णायक बन्न पाउने व्यवस्था गरिएको छ । प्रशिक्षक र मञ्चका सदस्यको मतभार २५–२५ प्रतिशत रहने बताइएको छ ।
पिपुल्स च्वाइस अवार्डको लागि मतदान प्रक्रिया आजै सुरु भएको छ र २०७५ साल जेठ २ गते मध्यरातसम्म एसएमएस गर्न पाउने व्यवस्था रहेको मञ्चले जनाएको छ । एसएमएसका लागि मञ्चले सोही पत्रकार सम्मेलनमा टिएचटी लाइभ ३७७२२ सँग सम्झौता गरेको छ ।
मञ्चका सचिव राजु घिसिङ संयोजक तथा निरञ्जन राजवंशी, हिमेशरत्न बज्राचार्य, प्रजित शाक्य, सरिता श्रेष्ठ, आदर्श ढकाल र प्रज्वल ओली सदस्य रहेको खेलाडी छनोट समितिले केही दिनमा अन्य चार विधामा मनोनयनमा पर्न सफल खेलाडी र प्रशिक्षकको नाम सार्वजनिक गर्ने बताइएइको छ ।
हंशराज हुलासचन्द एण्ड कम्पनी प्रालिको मुख्य प्रायोजनमा हुने अवार्डमा बर्षको उत्कृष्ट खेलाडी पुरुष, महिला, युवा, प्रशिक्षक, पिपल्स च्वाइस अवार्ड, पारा एथलिट, स्पेसल अवार्ड र लाइफटाइम एचिभमेन्ट अवार्ड गरी ८ विधामा अवार्ड प्रदान गरिनेछ । पारा, स्पेसल र लाइटाइभ एचिभमेन्टको विजेताको घोषणा भने जेठ ३ को अवार्डमै गरिने बताइएको छ ।
यसअघि जेठ ४ गते भने पनि अवार्ड प्राविधिक कारणवश एक दिन अघि सारिएको मञ्चका अध्यक्ष महेश आचार्यले जानकारी दिए । विगतमा जस्तै वर्षका उत्कृष्ट पुरुष, महिला ,पिपल्स च्वाइस अवार्ड र बर्षका उत्कृष्ट प्रशिक्षकले पल्सर मोटरसाइकल तथा अन्य विधाका विजेताले ५० हजार रुपैयाँसहित गिफ्ट ह्याम्पर प्राप्त गर्नेछन् ।
January 21, 2025
हिमाल खरेल, बिर्तामोड नेपालका दुई क्लबबिच भारतको सिक्किममा जारी १० औँ अल इन्डिया चिफ मिनिस्टर्स गोल्डकपको फाइनलमा आज प्रतिस्पर्धा हुँदैछ । सिक्किमको जोरथाङ रंगशालामा आज दिउँसो २ बजे सुरु हुने उपाधि भिडन्तमा सहिद स्मारक ए डिभिजन लिग च्याम्पियन क्लब चर्च ब्वाइज युनाइटेड र झापा ११ एफसी खेल्दैछन् । क्वार्टर फाइनलमा कोलकताको जर्ज टेलिग्राफ स्पोर्टस् क्लबलाई […]
January 21, 2025
एजेन्सी – चेल्सीले इंग्लिस प्रिमियर लिगमा सोमवार जित हासिल गरेको छ । चेल्सीले वुल्भ्सलाई ३-१ ले हराएको थियो। चेल्सीका लागि टोसिन अदाराबिओयो, मार्क कुकुरेया , नोनी मडुकेले समान १ गोल गरे । वुल्भ्सका म्याट डोहर्टीले एक गोल फर्काए । २४ औं मिनेटमा अदाराबिओयोको गोलबाट चेल्सीले अग्रता लियो। पहिलो हाफको इन्ज्युरी समयमा डोहर्टीले गोल फर्काए। कुकुरेयाको […]
January 20, 2025
काठमाडौं (हाम्रो खेलकुद)- एन्फा महिला लिगको अन्तिम चरणको सातौं खेलमा पनि एपिएफ फुटबल क्लबले विजय यात्रालाई जारी राखेको छ। सातदोबाटोस्थित एन्फा कम्प्लेक्सको मैदानमा सोमवार भएको खेलमा शीर्ष टोली एपिएफले अर्को विभागीय टोली नेपाल पुलिस क्लबलाई २-० ले हराएको छ। एपिएफका लागि रश्मिकुमारी घिसिङ र अनिता केसीले गोल गरे। दुवै गोल हेडमा भएको थियो। दुवै गोलमा […]
