6 years ago
April 25, 2018
म्याड्रिड (एजेन्सी) – म्यानचेस्टर युनाइटेडका युवा फरवार्ड मार्कस रास्फर्डलाई रियल म्याड्रिडका सुपरस्टार क्रिस्टियानो रोनाल्डोले विशेष उपहार दिएका छन् । निकै नजिकको सम्बन्ध रहेका यी दुई खेलाडीबीच यसअघि पनि उपहार आदान-प्रदान भएको थियो ।
पाँच पटकका ब्यालन डि’अोर विजेता रोनाल्डो अहिले बायर्न म्युनिखविरुद्ध च्याम्पियन्स लिग सेमिफाइनलको तयारीमा छन् । तर उनले त्यसअघि अाफ्नो पुरानो क्लबका युवा प्रतिभाको मनोबल उच्च राख्न लगातार उपहार दिइरहेका छन् । गत महिना उनले रास्फर्डलाई रोनाल्डोले नाइक एअर म्याक्स सीअार७ ९७ जुत्ता दिएका थिए ।
यसै साता टोटेनहम हट्सपरलाई हराउँदै युनाइटेड एफए कपको फाइनलमा प्रवेश गरेसँगै रोनाल्डोले अर्को उपहार पठाएका हुन् । रोनाल्डोले विशेष सन्देश लेख्दै अाफ्नो जर्सीमा हस्ताक्षर गरेर रास्फर्डलाई दिए । उनले रियल म्याड्रिडको घरेलु जर्सीमा ‘मार्कसको लागि, राम्रो काम जारी राख’ भन्ने संदेश लेखेर हस्ताक्षर गरेका छन् । रोनाल्डोको जर्सी हात पार्ने बितिक्कै रास्फर्डले खुसि हुँदै सामाजिक संजालमा तस्बिर राखेका थिए ।
विगत केहि सिजनयता उत्कृष्ट प्रदर्शन गरिरहेका युवा रास्फर्डले इंग्ल्यान्डको सिनियर टोलीबाट डेब्युमै गोल गरेका छन् । उनले म्यानचेस्टर युनाइटेडबाट पनि थुप्रै प्रतियोगिताको डेब्युमा गोल गरेका थिए । युवा अवस्थामै युनाइटेडको पहिलो रोजाईमा परेका रास्फर्डले एलेक्सिस सान्चेजको आगमनसँगै कम अवसर पाएका छन् ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]