7 years ago
April 23, 2018
अमृत चिमरिया
हेटौंडा – हेटौडामा यसै साता भेट्रान राष्ट्रिय सेभेन ए साइड फुटबल प्रतियोगिता आयोजना हुने भएको छ । मदन भण्डारी स्र्पोट्स एकेडेमी मकवानपुरले सोमबार हेटौंडामा पत्रकार सम्मेलन गर्दै को आयोजना बिहिबारबाट प्रतियोगिता आयोजना गर्ने जानकारी दिइयो ।
एकेडेमीका अध्यक्ष तथा प्रतियोगिताका संयोजक निरजसिंह ठकुरीले प्रतियोगितामा देश भरका १२ वटा टोलीको सहभागिता रहने जानकारी दिए । प्रतियोगिताको विजेताले ५० हजार दोस्रो हुने टोलीले २५ हजार रुपैयाँ प्राप्त गर्नेछ ।
प्रतियोगिताका सर्वोत्कृष्ट खेलाडीले १५ हजार रुपैयाँ तथा हरेक खेलको म्यान अफ द म्याचले ३ हजार रुपैयाँ प्राप्त गर्नेछन् । ४० वर्ष माथिका खेलाडी भाग लिने प्रतियोगिता हेटौंडाको हुप्र चौरमा हुने बताइएको छ । प्रतियोगितामा ४ लाख रुपैयाँ खर्च हुने अनुमान छ ।
सहभागी टोलीलाई आयोजकले आवासिय सुविधा दिने बताइएको छ । हेटौंडाको ऋद्धिसिद्धि सिमेन्ट मुख्य प्रायोजक रहेको प्रतियोगिताको आवासिय सेवा पशुपति गेष्ट हाउस र प्राविधिक सहयोग जिल्ला खेलकुद विकास समिति मकवानपुर र मकवानपुर जिल्ला फुटबल संघले गर्ने बताइएको छ ।
प्रतियोगितामा आकर्षणको रुपमा पूर्व राष्ट्रिय खेलाडी उपेन्द्रमान सिंह, नरेश जोशी, हरि खड्का समेत हेटौंडा आउने बताइएको छ । प्रतियोगितामा मदन भण्डारी स्र्पोट्स एकेडेमी, भेट्रान सिटि विरगंज, युवा स्र्पोट्स क्लब विरगंज, सिमरा भेट्रान सिमरा, चौधरी भेट्रान जितपुर, चपुर भेट्रान रौतहटले प्रतिस्पर्धा गर्नेछन् ।
त्यस्तै अभिषेक चर्च नवलपरासी, चितवन भेट्रान चितवन,विरगंज युथ एकेडेमी पर्सा, हेटौंडा भेट्रान मकवानपुर, कैलाली भेट्रान कैलाली र वगर भाई खलक पोखरा कास्कीले पनि भाग लिएका छन् ।
February 11, 2025
हिमाल खरेल, बिर्तामोड अर्जुनधारा नगरपालिकाको टोली अप्रत्यासित नतिजा निकाल्दै झापाको बिर्तामोडमा जारी प्रथम झापा जिल्ला अन्तरपालिका महिला फुटबलको सेमिफाइनलमा पुगेको छ । बिर्तामोडस्थित डोमालाल राजवंशी रंगशालामा आज भएको दोस्रो क्वाटरफाइनलमा झापा गाउँपालिकालाई १६-० गोलको वर्षा गर्दै अर्जुनधाराले अन्तिम चारमा पुगेको हो । एक पक्षीय खेलमा अर्जुनधाराका लागि जेनिफर मगर एक्लैले ५ गोल गरिन् । त्यस्तै, […]
February 11, 2025
सुमन अधिकारी, बुटवल सम्पूर्ण युवा क्लब सुपौली बुटवलमा जारी प्रथम लखन कप नकआउट फुटबल प्रतियोगिताको क्वाटरफाइनलमा पुगेको छ। फसार्टिकर युवा क्लबलाई मंगलवार १-० ले पराजित गर्दै सम्पूर्ण अन्तिम आठमा पुगेको हो । सिद्घेश्वर खेल मैदानमा भएको खेलको दोस्रो हाफको १० औं मिनेटमा रोहन केसीले गरेको गोल नै सम्पूर्णका लागि निर्णायक बन्न पुग्यो । फर्साटिकरका धेरै […]
February 11, 2025
काठमाडौं (हाम्रो खेलकुद)- कीर्तिपुरको जनसेवा सेकेण्डरी स्कुल र सल्लाघारी सैनिक आवासीय महाविद्यालय दोस्रो अन्तर विद्यालय सशस्त्र प्रहरी महानिरीक्षक रनिङ ट्रफी फुटबल प्रतियोगिताको क्वाटरफाइनलमा पुगेको छ। जनसेवाले डिएभी स्कुल जावलाखेललाई ३-१ ले पराजित गरेको हो । जनसेवाका मिलन सहकारी, अर्जुन धामी र केभिन दुलालले समान १ गोल गरे । डिएभीका हिमालयजंग बस्नेतले १ गोल गरे । […]
