6 years ago
April 23, 2018
म्याड्रिड(एजेन्सी)– युरोपमा उच्च प्रदर्शन गर्ने खेलाडी मध्ये कतिपयले खेलजीवनको अन्त्य अमेरिका र चिनायाँ क्लबमा टुंगाउने गरेका छन् । इङ्ल्यान्डका पूर्व कप्तानद्वय डेभिड बेकह्याम, स्टेफन जेरार्डलगायत थ्रुपै त्यस्ता उदाहरण छन् ।
रियल म्याड्रिडका सुपर स्टार लुका मोड्रिचले पनि खेल जीवनको अन्त्य अमेरिका पुगेर हुन सक्ने अनुमान गरेका छन् । रियल जस्तो क्लबमा हरेक खेलमा उच्च प्रदर्शनको माग रहने भएकाले सधै त्यो सम्भावना नरहने सक्ने मोड्रिचले बताएका छन् । रियल जस्तो क्लबमा एक रुपताको प्रदर्शन गर्न कठिन हुने उनको अनुभव छ ।
यदि कसैले कमजोर ग¥यो भने उसको विकल्पमा अर्को खेलाडी बेन्चमा रहन्छ । त्यसले खेलाडीमाथि हरेक समय दबाब परिरहन्छ । ‘रियलमा हरेक खेलमा उत्तिकै उच्च प्रदर्शन गर्नुपर्दछ । अन्यथा यहाँ टिक्न कठिन हुन्छ,’ अन्तवार्ताका क्रममा मोड्रिचले भने । रियलले लगातार तेस्रो पटक च्याम्पियन्स लिग जित्ने योजना बनाएको पनि उनले सुनाए ।
‘उपाधि जोगाउने हामी पहिलो टोली हौं । यो साच्चै अच्चमको सफलता हो,’ उनले भने,‘हामीले दाबेदार भनिएका टोलीलाई पनि हराएका छौं । हामी सुखद अनुभव गरिरहेका छौं र च्याम्पियन्स लिगमा उच्च प्रदर्शन गरिरहेका छौं ।
भविष्यमा मेजर सकर लिग (एमएसएल) क्लबमा जाने सम्भावनाका बारेमा उनले भने,‘ भोली के हुन्छ कसलाई थाहा छ र ? ’रियलसँग अझै दुई वर्षको सम्झौता रहेका उनले थपे,‘म यहाँ खुसी छु । मैले जहिले पनि भन्दै आएको छु, सम्भव भएसम्म म यहि आफ्नो खेल जीवनको अन्त्य गर्न चाहन्छु ।
तर यदि त्यो भएन भने हुन सक्छ म एमएसएल जान सक्छु । त्यो समय आएपछि थाहा हुन्छ ।’बायर्न म्युनिखसँग बुधबार हुने च्याम्पियन्स लिग सेमिफाइनलको पहिलो लेगमा उनीबाट पनि रियलले उच्च प्रदर्शनको अपेक्षा गरेको छ ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]