6 years ago
April 23, 2018
बार्सिलोना (एजेन्सी)– बार्सिलोनाका चर्चित मिडफिल्डर आन्द्रे इनियस्टा क्लब छोड्ने घोषणाको अत्यन्त निकट रहेको बताइएको छ । सेभिल्लाविरुद्ध गए राती कोपा डेल रेको फाइनल खेलेका इनियस्टाको लागि बार्सिलोनामा त्यो नै अन्तिम फाइनलका रुपमा समेत हरिएको थियो ।
५–० ले जितेको त्यो खेलमा इनियस्टाले एक गोल गर्नुका साथै म्यान अफ दी म्याच प्रदर्शन गरेका थिए । क्लब छाड्ने इनियस्टाको निर्णयलाई उनका पिताले पनि सहि समयमा लिएको उचित कदम भनेका छन् ।
इनियस्टाले केहि दिनमा औपचारिक निर्णय सार्वजनिक गर्ने विश्वास गरिएको छ । उनका पिता जोस एन्टोनियले सहि समयमा आफनो छोराले क्लब छाड्न लागेको बताए ।कोपा डेल रेको फाइनलपछि समर्थकले उठेर ताली बजाउँदै उनीप्रति उच्च सम्मान देखाएका थिए ।
‘उनी फरक निर्णय गर्ने तयारीमा छन्,’ इनियस्टाका पिताले अन्तवार्ताका क्रममा भनेका छन्,‘यदि उनले छाड्ने बाटो रोजेका छन् भने त्यसको सम्मान हुनुपर्दछ । मलाई लाग्छ यो उनका लागि सहि समय हो । यद्दपी यो आफैमा सहज काम होइन । उनले अर्को साता सम्म आफ्नो निर्णय सार्वजनिक गर्नेछन् ।’
उनले छोराको प्रदर्शनको पनि तारिफ गरे । ‘ उनले फाइनलमा पहिलो गोल गरे । उनका लागि यो राम्रो हो,’ उनले थपे,‘अब खेल सकिएको छ । म एकदम खुसी छु । उनले राम्रो गरेका छन् । उनले आफ्नो शैलीमा खेले ।’
ला लिगाको अफिसियल इन्स्टाग्राम ह्यान्डलबाट पनि इनियस्टाले क्लब छोड्ने पक्का भएको उल्लेख गरेको छ । इनियस्टा आफैले पनि बार्सिलोनामा यो अन्तिम हुन सक्ने बताउँदै आएका छन् । विश्व कप विजेता समेत रहेका इनियस्टा चिनिया सुपर लिग टोली चोङक्विङ लिफानमा आबद्ध हुने सम्भावना रहेको बताइएको छ ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]