6 years ago
April 19, 2018
म्याड्रिड (एजेन्सी) – क्रिस्टियानो रोनाल्डोले खेल सकिन तीन मिनेट बाँकी रहेको अवस्थामा गोल गरेपछि रियल म्याड्रिडले एथ्लेटिक बिल्बाओसँग बराबरी खेलेको छ । स्पेनिस ला लिगा अन्तर्गत बुधबार १-१ को बराबरी खेलेसँगै रियल दोस्रो स्थानको एटलेटिको म्याड्रिडभन्दा ६ अंकले पछाडी पर्ने सम्भावना बढेको छ ।
बिल्बाओले घरेलु मैदानमा १४ औं मिनेटमा अग्रता लिएको थियो । इनाकी विलियम्सले उत्कृष्ट चिप गोल गर्दै टोलीलाई अगाडी बढाए । दोस्रो हाफमा राउल गार्सियाले प्रहार गरेको सट क्रसबारमा लग्नु घरेलु टोलीको लागि दुर्भाग्य रहयो । त्यसअघि खेलको आठौं मिनेटमा रोनाल्डोको हेडर क्रसबारमा लागेको थियो । खेलको ८७ औं मिनेटमा लुका मोड्रीचले गरेको लामो प्रहारलाई रोनाल्डोले पोस्टको दिशा दिंदै रियलको हार टारेका थिए ।
रियलका प्रशिक्षक जिनेदिन जिदानले रोनाल्डोलाई सुरुआती रोजाईमा खेलाएपनि ग्यारेथ बेललाई बेन्चमा राखेका थिए । खेलमा पछाडी परेपछि बेल दोस्रो हाफमा बेन्जेमाको स्थानमा मैदान प्रवेश गरेका थिए । रियलले यसपटक लिग उपाधिबाट हार मानिसकेको अवस्था छ । रियलले च्याम्पियन्स लिगको सेमिफाइनलमा बायर्न म्युनिखको खेललाई प्राथमिकतामा राखेको हो ।
लिगमा रियलले ३३ खेलमा ६८ अंक जोडेको छ । दोस्रो स्थानमा रहेको एटलेटिकोले ३२ खेलमा ७१ अंक बनाएको छ र आज रियल सोसीडाडविरुद्ध उत्रने तयारीमा छ । लिगको शीर्षस्थानमा रहेको बार्सिलोना ३३ खेलमा ८३ अंकसहित लिग उपाधि नजिक पुगिसकेको छ ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]