6 years ago
April 16, 2018
लन्डन (एजेन्सी) – पेप गुआर्डीओलाको प्रशिक्षकत्वमा रहेको म्यानचेस्टर सिटीले आइतबार प्रिमियर लिग उपाधि पक्का गरेको छ । सिटीले शनिबार टोटेनहम हट्स्परलाई ३-१ ले पराजित गर्दै उपाधि नजिक पुगेको थियो । आइतबार वेस्ट ब्रोमले म्यानचेस्टर युनाइटेडलाई १-० ले हराएपछि सिटीको उपाधि पक्का भएको थियो ।
सिटीले प्रिमियर लिगको ३३ खेलमा ८७ अंक जोडेको छ । यसक्रममा सिटीले २८ जित, ३ बराबरी र २ हार बेहोरेको छ । उपाधि पक्का भएसँगै सिटीले अब प्रिमियर लिगको विभिन्न कीर्तिमानमाथि आफ्नो नजर राखेको छ । प्रिमियर लिगको एकै सिजनमा सबैभन्दा अंक जोड्ने कीर्तिमान चेल्सीको नाममा छ । सन् २००४-०५ मा चेल्सीका तत्कालिन प्रशिक्षक जोसे मोउरिन्होले ९५ अंकसहित उपाधि जितेका थिए । यस सिजनको ५ खेल बाँकी छँदा सिटी कीर्तिमान बराबरी गर्नबाट जम्मा ८ अंक टाढा छ ।
प्रिमियर लिगको एकै सिजनमा १५ अवे खेल जित्ने कीर्तिमान पनि चेल्सीकै नाममा छ । सिटीले यो सिजन १४ अवे खेलमा जित दर्ता गरेको छ । अब वेस्ट ह्याम र साउथह्याम्पटनको मैदानमा सिटीले जित दर्ता गरे उक्त कीर्तिमान पनि सिटीकै नाममा हुनेछ । यसबाहेक चेल्सीकै नाममा रहेको एकै सिजनमा ३० जितको कीर्तिमान पनि भंग हुने सम्भावना छ ।
कार्लो एन्चेलोटिले सन् २००९-१० मा चेल्सीको प्रशिक्षण सम्हाल्दा टोलीले लिगको ३८ खेलमा १ सय ३ गोल गरेका थिए । त्यस बेला टोलीले +७१ को गोल अन्तर सहित घरेलु मैदानमा ६८ गोल गरेको थियो । लिगको ५ खेल बाँकी रहँदा सिटीले लिगमा ९३ गोल गरेको छ भने गोलअन्तर +६८ रहेको छ । घरेलु मैदानमा सर्वाधिक गोलको कीर्तिमान तोड्न भने सिटीलाई अझै १६ गोल खाँचो छ । सिटीले घरेलु मैदानमा स्वान्सी, हडर्सफिल्ड र ब्राइटनको सामना गर्दैछ ।
५ खेल बाँकी रहेको सिटीले तोड्ने सम्भावना रहेको कीर्तिमान:
सर्वाधिक अंक : चेल्सी ९५ (सिटि ८७)
सर्वाधिक गोल : चेल्सी १०३ (सिटी ९३)
सर्वाधिक जित : चेल्सी ३० (सिटी २८)
सर्वाधिक अवे जित : चेल्सी १५ (सिटी १४)
सर्वाधिक गोल अन्तर : चेल्सी +७१ (सिटी +६८)
सर्वाधिक घरेलु गोल : चेल्सी ६८ (सिटी ५३)
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]