6 years ago
April 15, 2018
दिपक बोहोरा
पाँचथर – झापाको विर्ता युनाइटेडले फाइनलमा सुनसरी न्युस्टारलाई ४–१ ले पराजित गर्दै वाइ वाइ दोश्रो पाँचथर नाइन ए साइड फुटबल प्रतियोगिताको उपाधि रक्षा गरेको छ । विर्ताको जितमा दुई गोल गरेका नवयुग श्रेष्ठ प्रतियोगिताको उत्कृष्ट खेलाडी घोषित भए।
फिदिम मा.बिको मैदानमा भएको फाइनलमा विर्ताले नवयुगको गोलमा अग्रता लियो। उनले तेस्रो मिनेटमा बुद्ध चेम्जोङको क्रसलाई सदुपयोग गर्दै विर्तालाई अग्रता दिलाए। न्युस्टारले ३३ औं मिनेटमा निशान लिम्बुको गोलमा बराबरी गर्यो। राष्ट्रिय टोलीका समेत सदस्य रहेका हेमन्त थापा मगरको पासमा निशानले बराबरी गोल गरे।
विर्ताले दोस्रो हाफमा पुष्प मादेनको गोलमा अग्रता लियो। यसअघि क्वाटरफाइनलमा ह्याट्रिक गरेका पुष्पले विशाल राईको पासलाई सदुपयोग गर्दै विर्तालाई पुनः अग्रता दिलाएका थिए।
न्युस्टारले बराबरी गर्ने प्रयास गरेपनि ५५ मिनेटमा टंक बस्नेतको प्रहार बारमा लगेर फर्कियो। ५७ मिनेटमा बुद्धको कर्नरमा पुजन उपरकोटीले गोल गर्दै विर्ताले अग्रता दोब्बर गर्यो। खेलको ५९ औं मिनेटमा न्यूस्टारका दिपक गुरुङको प्रहार पनि बारमा लागेर फर्किएपछि न्यूस्टार खेलमा फर्कन सकेन। नवयुगले ७५ मिनेटमा गोल गर्दै विर्ताको जित सुनिश्चित गरे।
दोस्रो स्थानमा चित्त बुझाएको न्यूस्टारका हेमन्त थापा मगर खेलको ‘म्यान अफ दी म्याच’ चुनिए। उनले नगद ५ हजार प्राप्त गरे । प्रतियोगितामा ६ गोल गरेका नवयुग सर्वाधिक गोलकर्ता हुँदै १० हजार प्राप्त गरे। नवयुग नै प्रतियोगिताको सर्वोकृष्ट खेलाडी चुनिए। उनले एक थान टिभिएस मोटरसाइकल प्राप्त गरे ।
खेलाडीहरुको तालमेल नमिल्दा पराजित हुन परेको सुनसरीका प्रशिक्षक श्याम श्रेष्ठले बताए । विर्ताका प्रशिक्षक भुपेन लिम्बुले भने उच्च प्रर्दशनको कारण उपाधि जित्न सफल भएको बताए।
October 1, 2024
एजेन्सी – क्रिस्टियानो रोनाल्डोले गोल गरेको खेलमा साउदी अरेबियाको अल नासरले एएफसी च्याम्पियन्स लिग एलिटको समूहचरणको खेलमा आफ्नो अपराजित यात्रा कायमै राखेको छ । कतारको अल रेयान क्लबलाई नासरले सोमवार भएको खेलमा २-१ ले पराजित गरेको छ । अल अवाल पार्क रियादमा भएको खेलमा नासरलाई जिताउन साडियो माने र रोनाल्डोले गोल गरे । रेयानका लागि […]
September 30, 2024
काठमाडौं (हाम्रो खेलकुद)- वर्षाका कारण आएको पहिरो परि मृत्यु भएका एन्फा एकेडेमी सिस्नेरीका ६ युवा खेलाडीको अन्तिम संस्कारका लागि प्रक्रिया अघि बढाइएको अखिल नेपाल फुटबल संघ (एन्फा) ले जनाएको छ। असोज ११ र १२ गतेको वर्षाका कारण मकवानपुर जिल्लाको इन्द्रसरोवर गाउँपालिका वडा नं ३ स्थित श्री वात्सल्य देवी उच्च माविको प्रशिक्षण केन्द्रबाट सुरक्षित स्थानतर्फ जाँदै […]
September 30, 2024
एजेन्सी – इङ्ग्लिस प्रिमियर लिग(इपिएल) म्यानचेस्टर युनाइटेड टोटनहम ह्ट्सपरसँग पराजित भएको छ । आइतवार राति भएको खेलमा युनाइटेड टोटनहमसँग ३-० ले पराजित भएको हो । इपिएलमा युनाइटेडको यो तेस्रो हार हो। युनाइटेडको मैदानमा टोटनहमलाई जित दिलाउन ब्रेनन जोनसन, डेजन कुलुसेभस्की र डोमिनिक सोन्लकेले गोल गरे । खेलको तेस्रो मिनेटमा नै जोनसनले गोल गर्दै टोटनहमलाई अग्रता […]