6 years ago
April 15, 2018
म्याड्रिड (एजेन्सी)– प्रशिक्षक जिनेदिन जिदानले कतिपयले रियल म्याड्रिडको इष्र्या गर्ने गरेको आरोप लगाएका छन् । च्याम्पियन्स लिग क्वार्टरफाइनलमा पराजित भएपछि युभेन्ट्सका खेलाडीले दिएको प्रतिक्रियापछि जिदानको यस्तो भनाई आएको हो ।
क्वार्टरफाइनल दोस्रो लेगको अन्त्यतिर गोलकिपर जियानलुइजी बुफोनले रेड कार्ड दर्शन गर्नु परेको थियो भने रियलले पेनाल्टी पाएको थियो । त्यहि विषयमा बुफोन र युभेन्ट्सका अन्य खेलाडी आक्रामण शैलीमा प्रस्तुत भएका थिए । ‘जसरी हामीलाई भनियो र त्यहाँ जे भयो त्यो साच्चै लाजमर्दो थियो । हामीले त्यो नतिजा चोरेको शैली प्रतिक्रिया आए,’ जिदानले भने,‘ मान्छेहरुको सोच त्यति सम्म हुन्छ भन्ने मैले कल्पनामा थिइन् ।’
दोस्रो लेगमा रियल ३–० ले पछि पर्दा आफु आश्चार्यमा परेको उल्लेख गर्दै जिदानले अगाडि भने,‘ तर, फुटबलको सुन्दरता भनेकै त्यहि हो । त्यस्तो होला भन्ने मैले नि कल्पना गरेको थिइन् । तर भयो । समय बित्दै जान्छ । केहि घटना तपाईका विपक्षमा हुन सक्छन् ।’
बुफोनका प्रतिक्रियामाथि पनि जिदानले टिप्पणी गरेका छन् । ‘त्यो क्षणलाई लिएर बुफोनको प्रतिक्रिया मैले पनि मैले पढे । त्यो समयमा हामीले उनको भावनालाई स्वीकार्नुपर्दछ,’ उनले थपे,‘ तर, अघिल्लो चरण पुग्न हकदार थियौं । मेरो चासो त्यसमा हो । ’
युभेन्ट्सलाई पहिलो लेगमा ३–० ले हराएको रियल घरेलु मैदानमा ३–१ ले पराजित भएको थियो । इन्जुरी समयमा पाएको पेनाल्टीलाई रोनाल्डोले गोलमा परिणत गरेपछि समग्रमा ४–३ को नतिजासहित रियल सेमिफाइनल पुगेको थियो । रियलको सफलताले अरुमा इष्र्या पलाउने गरेको जिदानले आरोप लगाए ।
‘हाम्रो सफलताले केहि मानिसहरुलाई चिन्तित बनाउने गरेको छ । तर क्लबको इतिहास केहिले बदलिन्न । जुन क्लब विश्वकै उत्कृष्टमा पर्दछ’ उनले अन्त्यमा भने,‘पेनाल्टीकै कारण त्यति ठूलो विवाद सृजना गरिनु मेरो लागि सामान्य विषय होइन । यद्दपी युभेन्ट्ले पनि निकै राम्रो खेल्यो । हामी अहिले च्याम्पियन्स लिगको सेमिफाइनलमा छौं । ’
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]