दिपक बोहोरा

पाँचथर – रेडहर्स इलामलाई ३–० ले पराजित गदै विर्ता युनाइटेट झापा वाइ वाइ नाइन ए साइड गोल्डकप फुटबल प्रतियोगिताको फाइनल प्रबेश गरेको छ । विर्ताको जितमा नेपाल आर्मी तथा राष्ट्रिय टोलीका स्टाइकर नवयुग श्रेष्ठले ह्याट्रिक गरे । नेपाल आर्मीका नवयुग यस प्रतियोगितामा विर्ताबाट खेल्दैछन्। 

फिदिम मा.बिको मैदानमा भएको अन्तमि सेमिफाइनलमा १२ औं मिनेटमा नवयुगले गोल गर्दै साबिक विजेता विर्तालाई अग्रता दिलाए । वुद्ध चेम्जोङको क्रसमा नवयुगले गोल गरेका थिए । नवयुगले ४३ र ६० औं मिनेट मा गोल गर्दै ह्याटिक पुरा गरे । दुवै गोलमा बुद्धले असिस्ट दिएका थिए ।

इलामका भरपर्दा खेलाडी सुवास राइ खेलको सुरु तिर चोटील हुदै मैलान छाडे पछि इलाम अझ दबाबमा परेको थियो । दोश्रो हाफमा केहि सुधारिएको खेल पस्केको इलामले पाएका केही अबसर गुमाउँदा निराश बन्न पुग्यो । खेलमा ह्याटिक गरेका नवयुग म्यान अफ दि म्याच हुँदै ५ हजार प्राप्त गरे ।
।

राम्रो टिमवर्कका कारण नतिजा आफ्नो पक्षमा आएको विर्ताका प्रशिक्षक भुपेन लिम्बुले बताए । त्यस्तै इलामका प्रशिक्षक याम राइले आफ्नो स्तर अनुसारका खेल प्रर्दशन गर्न नसक्दा टिम पराजित हुन परेको बताए ।

विर्ता उपाधिको लागी आइतबार न्युस्टार सुनसरीसँग प्रतिस्पर्धा गर्ने छ । प्रतियोगिताको विजेताले उपाधि सहित ३ लाख ५ हजार ५ सय ५५ र उपविजेताले १ लाख ५५ हजार ५ सय ५५ रुपैया प्राप्त गर्ने छन । प्रतियोगिताको सर्वाकृष्ट खेलाडीले मोटरसाइकल प्राप्त गर्नेछन ।