मस्को (एजेन्सी) –  युरोपा लिगमा गए राति इंग्लिस टोली आर्सनलले सिएसकेए मस्कोलाई क्वाटरफाइनलको दोस्रो लेगमा २-२ ले रोक्दै समग्रमा ६-३ को जित हात पार्न सफल भयो । यस जितसाथै आर्सनल प्रतियोगिताको सेमिफाइनलमा प्रवेश गर्न सफल भएको छ ।

खेलको ५० औं मिनेटमा मस्कोले २-० को अग्रता लिएको थियो । पहिलो लेग आर्सनलले ४-१ ले जितेकाले थप एक गोल गर्दा घरेलु टोली सेमिफाइनल प्रवेश गर्न सफल हुने थियो । तर ड्यानी वेलबेक र आरोन राम्जीको गोलमा आर्सनलले अन्तिम ४ को स्थान सुनिश्चित गरेको हो ।

त्यस्तै प्रतियोगिताको दाबेदार मानिएको अर्को टोली एट्लेटिको म्याड्रिड पनि सेमिफाइनल प्रवेश गर्न सफल भएको छ । पहिलो लेगमा २-० ले जित हात पारेको एट्लेटिकोले गए रातिको १-० को हार वापत समग्रमा २-१ को जितसँगै सेमिफाइनलमा पुगेको हो ।

त्यस्तै फ्रान्सेली टोली मार्से र अष्ट्रियन टोली रेड बुल साल्जबर्ग पनि समिफाइनलमा पुग्न सफल रहे । पहिलो लेगमा ४-२ ले पराजित भएको रेड बुलले दोस्रो लेगमा लाजियोलाई ४-१ ले हराउँदै नतिजा उल्टाउन सफल रह्यो । अर्को तर्फ आरबी लेपजिगसँग १-० ले पछि परेको मार्सेले गए राति ५-२ को जित हात पार्दै समग्रमा ५-३ ले विजयी भयो ।

युरोपा लिग सेमिफाइनलमा पुग्न सफल ४ टोली यस प्रकारका रहेका छन्:

आर्सनल (इंग्ल्यान्ड)
एट्लेटिको म्याड्रिड (स्पेन)
मार्से (फ्रान्स)
रेड बुल साल्जबर्ग (अष्ट्रिया)