पोखरा (हाम्रो खेलकुद) – आयोजक लालि गुराँस (एलजी) युवा क्लबका दुवै टोली एलजी रेड र ब्ल्याक दोस्रो एलजी कप सेभेन ए साइड फुटबल प्रतियोगितामाको क्वार्टरफाइनलमा पुगेका छन् ।

पोखराको अमसिंह मैदानमा जारी प्रतियोगितामा बुधबार एलजी रेडले बुद्ध टोल फुटबल क्लबलाई २–० र एलजी ब्ल्याकले लेकसाइड युवा क्लबलाई समान २–० ले हराएको छ । अन्य खेलमा डोब्रे फुटबल क्लब, संगम फुटबल क्लब, बुढीबजार फुटबल क्लब, बि थर्टिन बाँझापाटन र तारा फुटबल क्लब विजयी भए ।

डोब्रे एफसीले रामघाटलाई ५–२ ले, संगम फुटबल कलबले शुक्ला गण्डकी युवा क्लबलाई ३–० ले, बि थर्टिनले रंजन मेमोरियल लाई २–० ले, ताराले गैह«ापाटन युवा क्लबलाई ४–० ले हराएको छ । बुढीबजारले नयाँ गाँउ युवा क्लबलाई टाइब्रकेरमा ३–२ पराजित गर्यो ।

हिमा अस एजुकेशन कन्सलटेन्सीको मुख्य प्रायोजनमा रहेको प्रतियोगितामा ६४ टोलीको भाग लिएको प्रतियोगिता संयोजक एवम संस्थाका कोषाध्यक्ष सुमन गुरुङले जानकारी दिएका छन । प्रतियोगिताको विजेता टोलीले १ लाख ५० हजार, दोश्रोले हुनेले टोलीले ८०, तेश्रोले २० र चौथोले १० हजार रुपैयाँ प्राप्त गर्नेछन् ।

प्रतियोगिताको सर्वोत्कृष्ट खेलाडी र सर्वाधिक गोलकर्ताले समान ८ हजार रुपैयाँ प्राप्त गर्नेछन् । प्रतियोगिताका उत्कृष्ट गोलकिपर, रक्षक, मिडफिल्डर र फरवार्डले समान ४ हजार रुपैयाँ प्राप्त गर्नेछन् ।