7 years ago
April 11, 2018
रोम (एजेन्सी)– बार्सिलोनाका कप्तान एवंम् माहान खेलाडी आन्द्रे इनियस्टाले रोमासँग गए राती भएको खेल आफ्नो खेल जीवनको अन्तिम च्याम्पियन्स लिग खेल हुन सक्ने बताएका छन् ।
क्वार्टरफाइनलको पहिलो लेगमा ४–१ जित हासिल गरेपनि गएराती ३–० ले खेल गुमाएपछि बार्सिलोना च्याम्पियन्स लिगबाट बाहिरिएको थियो । समग्रमा ४–४ को बराबरी भएपनि अवे गोलका आधारमा रोमा अन्तिम चारमा पुगेको थियो । घरेलु मैदानमा रोमाले इडिन जेको, डानिले डी रोसी र कोसतास मानोलासको गोलमा जित निकाल्दा बार्सिलोना निरिह बनेको थियो ।
रोमासँगको खेलमा इनियस्टाले सुरुआत गरेपनि खासै प्रभाव जनाउन सकेनन् । मानोलासले गोल गर्नुअघि उनलाई परिवर्तन गरिएको थियो । भेट्रान मिडफिल्डर चीन जाने सम्भावना रहेको स्वीकार्दै बार्सिलोनाको प्रदर्शन कमजोर रहेको बताए । सानो उमेर देखि नै बार्सिलोनमा रहेका उनले त्यसलाई अन्तिम युरोपियन खेल हुन सक्ने बताए ।
‘हामीले खेलमा लय पक्रन सकेनौं । प्रतियोगिताबाट बाहिरिनुपर्दा सबै निराश भएका छौं । खेल निकै कठिन थियो,’ अन्तिम खेल हो भन्ने प्रश्नमा ३३ बर्षे उनले भने, ‘त्यो सम्भावना छ । त्यसैले पनि यो कठिन रह्यो । यो अवस्था सबैका लागि कठिन रहन्छ । प्रतियोगितालाई लिएर हामी निकै उत्साहित थियौं, फेरि एकपटक हामी असफल भएका छौं ।’
January 17, 2025
नेपालगञ्ज (हाम्रो खेलकुद)- नेपालगञ्जमा अर्को महिना हुने लुम्बिनी कप महिला फुटबल प्रतियोगिताको तयारी तीव्र रुपमा अघि बढेको आयोजक अन्तरालले जनाएको छ। बाँके जिल्ला फुटबल संघको सहकार्यमा लुम्बिनी फागुन १९ गतेदेखि २९ गतेसम्म नेपालगञ्ज रंगशालामा हुनेछ । नेपालगञ्ज रंगशालामा आयोजना शुक्रवार गरिएको पत्रकार भेटघाटमा अन्तरालका कार्यकारी प्रमुख जयनारायण शाहले प्रतियोगिता प्रतियोगिता संचालनका लागि तयारी अघि बढेको […]
January 17, 2025
काठमाडौं(हाम्रो खेलकुद) – एपिएफ फुटबल क्लबले एन्फा राष्ट्रिय महिला लिगको अन्तिम चरणमा लगातार छैटौं जित हासिल गरेको छ। एपिएफले शुक्रवार वालिङ नगरपालिकालाई १०-० ले हराएको हो। सातदोबाटोस्थित एन्फा कम्प्लेक्समा एपिएफको जितमा रश्मिकुमारी घिसिंङले ४, सरु लिम्बु र सविता राना मगरले समान २ तथा प्रीति राई र रेनुका नगरकोटेले समान १ गोल गरिन् । शीर्ष स्थानको […]
January 17, 2025
एजेन्सी – रियल म्याड्रिड कोपा डेल रे को क्वाटरफाइनलमा पुगेको छ। सेल्टा भिगोलाई बिहीवार ५-२ ले हराउँदै रियल अन्तिम आठमा पुगेको हो। घरेलु मैदानमा रियलले २-० को अग्रता जोगाउन नसक्दा जितका लागि थप समय सम्म कुर्नुपर्यो । इन्ज्युरी समयमा रियल सम्हालिन नसक्दा सेल्टा भिगोले बराबरी गोल फर्कायो । रियललाई जित दिलाउन एन्ड्रिकले २, केलियन एम्बाप्पे, […]
