दिपक बोहोरा
पाँचथर– ए डिभिजन क्लब जावलाखेल युथ क्लब फिदिममा जारी वाइ वाइ दाश्रो पाँचथर गोल्डकप नाइन ए साइड फुटबल प्रतियोगिताको पहिलो खेलबाटै बाहिरिएको छ । फिदिम माविको मैदानमा न्यू स्टार सुनसरी संग ट्राइबेकरमा ४–२ ले पराजित भएपछि जावलाखेल पहिलो खेलबाटै बाहिरिएको हो । न्यू स्टार प्रतियोगिताको सेमिफाइनलमा पुगेको छ ।

निर्धारित समय २–२ को बराबरीपछि खेल टाइब्रकेरमा गएको थियो । ट्राइबेकरमा सुनसरीका गोलकिपर विवश चौधरी नायक रहे । विवशले जावलाखेलको २ वटा प्रहार रोक्दै टोलीलाई जित दिलाए । उनले जावलाखेका विशाल तामाङ र सुसन श्रेष्ठको प्रहार रोके । सुनसरीका लागि हेमन्त थापा मगर ,रमेश राजवंशी ,सुरज सुनुवार र निशान लिम्बुले गोल गरे । जावलाखेल लागि विदेशी खेलाडी बिजयब्रिल र जनक कार्कीले मात्र गोल गरे ।

खेलको २२ औं मिनेटमा जीवन धामीले रातो कार्ड दर्शन गर्दै मैदान बाहिरिएपछि सुनसरी ८ खेलाडीमा सिमिति भएको थियो । त्यसका वावजुद ३४ औं मिनेटमा निशान लिम्बुको क्रसमा हेमन्त थापाले गोल गर्दै सुनसरीलाइ अग्रता दिलाए । ५१ औ मिनेटमा जावलाखेलका बिजयब्रिलले गोल गर्दै खेललाई बराबरमिा ल्याए । विपक्षी रक्षकले बल क्लियर गर्न नसक्दा बिजयब्रिल गोल गरे ।

७० औं मिनेटमा गोलकिपर अगाडी बढेको मौकामा विदेशि खेलाडी ग्रोलीले गोल गर्दै जावलाखेललाई अग्रता दिलाए । तर, ८३ औं मिनेटमा हेमन्तले फ्रिकिकमा गोल गर्दै खेललाई बराबरीमा पुर्याए । सुनसरीका गोलकिपर विवश खेलको म्यान अफ दी म्याच घोषित भए र ५ हजार रुपैयाँ जिते । सुनसरीका प्रशिक्षक एक खेलाडी कम हुनुका वावजुद जित निकाल्न सफल भएकोमा खुसी व्यक्त गरे । जावलाखेलका प्रशिक्षक नरेश थापाले पाएको अवसर सदुपयोग गर्न नसक्दा पराजित हुनु परेको बताए ।

पाँचथर गोल्डकपमा बुधबारको खेल
विर्ता युनाइटेडविरुद्ध विजय युथ क्लब हेटौडा