7 years ago
April 9, 2018
म्याड्रिड (एजेन्सी)– म्याड्रिड डर्बीमा क्रिस्टियानो रोनाल्डोलाई परिवर्तन गर्नुको पछाडिको कारण रियलका प्रशिक्षक जिनेदान जिदानले बताएका छन् । एट्लेटिको म्याड्रिडसँग आइतबारको खेलमा जिदानले रोनाल्डोलाई दोस्रो हाफमा परिवर्तन गरेका थिए । जिदानले रोनाल्डोलाई केहि आराम चाहिएकोले परिवर्तन गरेको बताएका छन् ।
३३ वर्षे रोनाल्डोकै गोलमा रियलले खेलमा अग्रता लिएको थियो । यो सिजन ला लिगामा त्यो उनको २३ औं गोल थियो । उनलाई ६४ औं मिनेटमा जिदानले परिवर्तन गरेका थिए । रोनाल्डोलाई परिवर्तन गर्दा धेरैले आश्चार्य मानेका थिए । खेल १–१ को बराबरीमा टुंगिएको थियो ।
युभेन्ट्सविरुद्धको च्याम्पिन्स लिग क्वार्टरफाइनलको दोस्रो लेगलाई मध्यनजर गर्दै रोनाल्डोलाई परिवर्तन गरेको जिदानले स्वीकार गरेका छन् । जिदानले अन्य खेलाडीले पनि खेलमा परिवर्तन गर्न सक्ने क्षमता राख्ने बताएका छन् ।
‘क्रिस्टियानो भनेको क्रिस्टियानो हुन् । उनी आफ्नो जीवनभर खेलाडी रहे । एउटा सिजनमा ५० गोल गर्छन् । उनले जति गरेका छन् जो कोहिले गर्न सक्दैनन्, उनले भने,‘ अरु खेलाडीले पनि गोल गर्न सक्छन्, पछिल्लो समय त्यो देखिएको पनि छ । यसलाई हामीले सकारात्मक रुपमा लिनुपर्दछ । क्रिस्टियानो हामीसँग छन्, त्यो सुखद पक्ष हो ।’
रोनाल्डोलाई पनि आराम दिन जरुरी भएको जिदानले प्रष्ट पारेका छन् । ‘खाली उनलाई आराम दिइएको हो । हामीसँग धेरै खेल छन्,’ उनले भने,‘कहिले काही उनलाई पनि आरामको जरुरी पर्दछ । पछिल्ला दिन उनलाई त्यसको आवश्यक छ । उनीले हरेक दिन आराम महसुस गरिरहेका छन्, तपाई त्यो अनुभव गर्न सक्नुहुन्छ । ’
पछिल्लो खेलको बराबरीले रियल चौथो स्थानमा यथावत रहेको छ । शीर्ष स्थानको बार्सिलोना भन्दा १५ अंकले पछि परेको रियलको ला लिगा जित्ने सम्भावना लगभग समाप्त भइसकेको छ । यो अवस्थामा रियलले लगातार तेस्रो पटक च्याम्पियन्स लिग उपाधि जित्ने लक्ष्य राखेको छ ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]