default_image

7 years ago

April 7, 2018

रुस्लान थ्री स्टार विराट गोल्डकपको फाइनलमा, विमल म्यान अफ दी म्याच

74 views

0 Bookmark

विराटनगर (हाम्रो खेलकुद)– सिजनमा दोस्रो सफल टोली रुस्लान थ्री स्टार क्लब विराट गोल्डकप फुटबल प्रतियोगिताको फाइनलमा पुगेको छ । सहिद रंगशालामा शनिबार भएको दिवा रात्री सेमिफाइनलमा सिएमजी क्लब संकटालाई ४–० को फराकिलो अन्तरले हराउँदै उपाधि नजिक पुगेको हो ।

थ्रीस्टारले उपाधिका लागि सोमबार वर्षको सर्वाधिक सफल टोली त्रिभुवन आर्मी क्लबको सामना गर्नेछ । यी दुई टोलीले यो सिजन ११ नकआउट उपाधि जितेका छन् । आर्मीले ७ वटा उपाधि जित्दा थ्री स्टारले ४ उपाधि आफ्नो नाममा लेखाएको छ ।

संकटाविरुद्ध जित दिलाउन विदेशी खेलाडी मार्टिनले २ तथा बुद्ध चेम्जोङ र विमल घर्तीमगरले समान १ गोल गरे । थ्रीस्टार मनाङ मस्र्याङदी र संकटा एपिएफलाई हराउँदै अन्तिम चारमा पुगेका थिए । थ्रीस्टारले ४३ औं मिनेटमा मार्टिनको गोलबाट खेलमा अग्रता बनाएको थियो । विमलको पासमा मार्टिन्सले पहिलो गोल गरेका थिए ।

५५ औं मिनेटमा बुद्धले टोलीका लागि दोस्रो गोल गरे । कप्तान नीराजन खड्काको प्रहारलाई गोलकिपरले ‘क्लियर’ गर्न नसकेको फाइदा उठाउँदै बुद्धले बललाई पोष्टको दिशा दिएका थिए । मार्टिन्सले ७६ औं मिनेटमा अर्को गोल थपे । रुपेश केसीको क्रसमा मार्टिन्सले गोल थपेका थिए । पहिलो गोलमा पास दिएका विमलले ७९ औं मिनेटमा गोल गरे । मध्यभागबाट एक्लै अघि बढेका विमलले त्यो मौका खेल जान दिएनन् र गोल गरे ।

थ्रीस्टार ८ औं मिनेटमा अग्रता लिनबाट चुक्यो । खाली पोष्टमा विजय धिमाल चुक्दा अग्रता लिन ४३ औं मिनेट सम्म पर्खनु प¥यो । ३९ औं मिनेटमा बुद्धको प्रयास पनि असफल भयो । ४१ औं मिनेटमा कप्तान निराजन पनि चुके । १५ औं मिनेटमा सुनिल खड्काको प्रहार दायाँ बार हुँदै बाहिरिंदा संकटा थ्रीस्टारलाई दबाबमाराख्नबाट चुक्यो । ४२ औं मिनेटमा सुनिलकै प्रहारमा थ्रीस्टारका गोलकिपर एलन न्यौपाने बाधक बने ।
६२ औं मिनेटमा लक्ष्मण रुचालले विपक्षी अवरोधलाई छिचोल्दै मिलाइदिएको बलमा विदेश खेलाडी फोडे ढिलो हुँदा संकटा खेलमा फर्कन सकेन । इन्जुरी समयमा जिब्रेलको प्रहार पोष्टमाथिबाट बाहिरिंदा संकटाले सान्त्वान गोल पनि फर्काउन सकेन । सिजनमा १० वटा प्रतियोगितामा सहभागी थ्रीस्टार विराट गोल्डकप सहित गरेर आठवटामा फाइनलमा पुगेको टिम हो ।

संकटाका प्रशिक्षक सल्यान खड्गीले पहिलो हाफमा थ्रीस्टारलाई ‘डोमिनेट’ गर्नसके पनि नतिजा आफ्नो पक्षमा पर्न नसक्नु दर्भाग्यपूर्ण भएको बताए । उनले ‘होल्ड’ गर्दा गर्दै सुरुवाती गोल खानुनै खेलको ‘टर्निङ’ प्वाइन्ट बन्न पुगेको प्रतिक्रिया दिए । ‘एउटा सानो गल्तीले गर्दा सुरुवाती गोल खाइयो,’ उनले भने, ‘एक गोल खाएपछि तालमेल गुमाउँदै खेलाडी हतारिएर खेल्न थाल्नु पनि हारको मुख्य कारण बन्यो ।’

थ्रीस्टारका प्रशिक्षक मेघराज केसीले संकटा विरुद्धको उत्कृष्ट प्रदर्शनले नै सहज जित दिलाएको बताए । उनले भने, ‘संकटा विरुद्ध राम्रो प्रदर्शन गरे पनि मनाङसंग जत्तिको उत्कृष्ट प्रदर्शन भने खेलाडीले देखाउन सकेनन् ।’ विमल खेलको म्यान अफ दी म्याच घोषित भए र १० हजार रुपैयाँ प्राप्त गरे ।

May 2, 2025

ब्रेन्टफोर्डसँग नटिङ्घम फरेस्टको हार

एजेन्सी – नटिङ्घम फरेस्टको युईएफए च्याम्पियन्स लिगमा छनोट हुने आशामा झड्का लागेको छ‌। घरेलु मैदानमा बिहीवार भएको प्रिमियर लिगको खेलमा फरेस्ट ब्रेन्टफोर्डसँग २-० ले पराजित भयो।‌ सिटी ग्राउण्डमा भएको खेलमा ब्रेन्टफोर्डले दुबै हाफमा गोल गर्दै युरोपमा छनोट हुने आशा कायम राख्यो। केभिन शाडेले पहिलो हाफको अन्त्यतिर गोलको खाता खोले । ७०औं मिनेटमा योआने विस्साले ब्रेन्टफोर्डको […]

May 2, 2025

युरोपा लिगमा टोटेनहमलाई सफलता

एजेन्सी – टोटनहमले युरोपा लिगको फाइनलमा पुग्ने दिशामा एक कदम अगाडि बढाएको छ । नर्वेजियन क्लब बोडो/ग्लिम्टविरुद्धको सेमिफाइनलको पहिलो लेगमा ३-१ को जित हात पार्दै टोटनहम बलियो स्थितिमा पुगेको छ । टोटनहेमले बिहीवार गरेको प्रदर्शन यो सिजनको घरेलु प्रदर्शनमध्ये सबैभन्दा उत्कृष्टमध्ये एक हो । यसले सन् २००८ पछि पहिलो उपाधिको जित्ने सम्भावनालाई मजबुत बनाएको छ […]

May 2, 2025

युरोपा लिगमा म्यानचेस्टर युनाइटेडको जित

एजेन्सी – म्यानचेस्टर युनाइटेडले युरोपा लिगको फाइनलमा पुग्ने सम्भावनालाई बलियो बनाएको छ। पहिलो हाफमा १० खेलाडीमा सिमित एथ्लेटिक क्लबलाई पहिलो लेगमा बिहीवार युनाइटेडले ३-० ले‌ हराएको छ। ओल्ड ट्राफोर्डमा हुने सेमिफाइनल दोस्रो लेगका लागि म्यान युनाइटेडले फराकिलो अग्रता बनाएको छ। शोरगुलपूर्ण सान मामेस स्टेडियममा पाहुना टोली सुरुआती चरणमै २-० ले पछि पर्न सक्थ्यो। विलियम्सले राम्रो […]

Success

Thank you for your time.