पाँचथर गोल्डकपको उद्घाटन खेलमा आयोजक र ताप्लेजुङ भिड्ने

दिपक बोहोरा
पाँचथर – पाँचथर गोल्डकपको दोश्रो संस्करण आइतबार सुरु हुँदैछ । फिदिम माविको मैदानमा मिसन युनाइटेट ताप्लेजुङ र आयोजक पाँचथर क्लबबीचको उद्घाटन खेलसँगै प्रतियोगिता सुरु हुनेछ । प्रतियोगिताको सबै तयारी पुरा भएको आयोजक क्लबका अध्यक्ष अनुराग मगरले जानकारी दिए ।

प्रतियोगिताको उद्घाटन प्रदेश प्रमुख गोविन्द सुब्बाले गर्ने आयोजक क्लबले जानकारी दियो । दोश्रो पाँचथर नाइन ए साइड गोल्डकपको विजेताले ३ लाख ५ हजार ५ सय ५५ र दोस्रो हुने टोलीले १ लाख ५५ हजार ५ सय ५५ रुपैयाँ प्राप्त गर्नेछ ।

प्रतियोगिताको सर्वोत्कृष्ट खेलाडीले मोटरसाइकल पाउनेछन् । प्रतियोगितामा ८ टोलीको सहभागिता रहेको छ । उद्घाटनमा खेल्ने दुई टोलीसँगै जावलाखेल युथ क्लब, विजय युथ क्लब हेटौडा ,विर्ता युनाइटेट झापा , सुनसरी ११ ,डिएफसि मोरङ, रेडहर्स इलाम रहेका छन् ।