7 years ago
April 7, 2018
म्याड्रिड (एजेन्सी)– च्याम्पियन्स लिग क्वार्टरफाइनलको पहिलो लेगमा युभेन्ट्सविरुद्ध रियल म्याड्रिडका सुपर स्टार क्रिस्टियानो रोनाल्डोले गरेको उच्च प्रदर्शनको चर्चा अझै सेलाएको छैन । ३–० ले रियल जितेको त्यो खेलमा टोली गरेका सबै गोलमा रोनाल्डोको भूमिका रह्यो ।
बाइसाइकल किकसहित २ गोल र अर्को गोलका लागि उनले असिस्ट गरेका थिए । उनी च्याम्पियन्स लिगमा लगातार १० गोल गर्ने पहिलो खेलाडी बने । यो सिजन मात्र च्याम्पियन्स लिगका ९ खेलमा १४ गोल गरिसकेका छन् । युभेन्ट्सविरुद्धको त्यो प्रदर्शनले उनी च्याम्पियन्स लिगको प्लेयर अफ दी विकका लागि हकदार रहेको धेरैको बुझाई थियो । तर, त्यो प्रदर्शन मात्र पर्याप्त नहुने यो पटकको छनोटले देखाएको छ ।
च्याम्पियन्स लिग क्वार्टरफाइनल लेगका ४ खेलको समाप्ती पछि युइएफलेले प्ले अफ दी विक घोषणा गरेको छ । जसले धेरै फुटबल प्रेमीलाई आश्चार्यमा पारेको पनि हुनसक्दछ । प्रिमियर लिग प्रतिद्वन्द्वी म्यानचेस्टर सिटीविरुद्ध उच्च प्रदर्शन गरेका लिभरपुलका मोहम्मद सालाहले यो पटक च्याम्पियन्स लिग साताको उत्कृष्ट खेलाडी चुनिएका छन् ।
सालाह भन्दा रोनाल्डोको प्रदर्शन बढी महत्वपूर्ण मान्नेहरु पनि छन् । रोनाल्डोको त्यो प्रदर्शन अवे खेलेमा थियो भने सालाहले घरेलु मैदानमा खेलेका थिए । रोनाल्डोले २ गोल गर्दै अर्कोमा असिस्ट गरे । टोलीका लागि उनले गरेको दोस्रो बाइसाइकल किक गोल साताभर चर्चामा रह्यो । तर, रोनाल्डो साताको उत्कृष्ट खेलाडी घोषित नहुदा उनका समर्थक उनीमाथि अन्याय भएको ठान्दछन् ।
सालाहले पनि सिटिविरुद्ध १ गोल गर्नुका साथै अर्को गोलमा असिस्ट गरेका थिए । तर मतका आधारमा तय हुने प्लेयर अफ दी विकेमा सालाहले रोनाल्डोलाई निकै पछि पारेका छन् । उनले ५७ प्रतिशत मत प्राप्त गर्दा रोनाल्डोको भागमा ३५ प्रतिशत मात्र मत परेको छ । बायर्न म्युनिखका हामेस रोड्रिगेजले ५ र बार्सिलोनाका जेरार्ड पिकेले ४ प्रतिशत मत पाएका छन् ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]