7 years ago
April 6, 2018
किभ (एजेन्सी)– युरोपियन क्लबहरुको सबैभन्दा ठूलो प्रतियोगिता च्याम्पियन्स लिगको क्वाटर फाइनल पुग्ने सबै ८ टोलीले प्रतियोगितामा यो सिजन ९ खेल खेलिसकेका छन् । क्वार्टरफाइनलका पनि पहिलो लेग सम्पन्न भइसकेका छन् । यो सिजन क्वार्टरफाइनल पहिलो लेगको समाप्ती सम्ममा ३ सय ६७ गोल भएका छन् ।
यो सिजन व्यक्तिगत रुपमा सर्वाधिक गोल गर्ने खेलाडीको सुचिमा रियल म्याड्रिडका फरवार्ड क्रिस्टियानो रोनाल्डो सबैभन्दा माथि छन् । त्यस्तै सबैभन्दा असिस्ट गर्ने खेलाडीमा लिभरपुलका जेम्स मिल्नर छन् । रोनाल्डोले १४ गोल गरेका छन् भने मिल्नरले ८ गोलमा असिस्ट गरेका छन् ।
तर, सर्वाधिक गोल गर्ने क्लब रियल म्याड्रिड, बायर्न म्युनिख, बार्सिलोना लगायातका युरोपका बलियो क्लब कुनै पनि शीर्षस्थानमा छैनन् । यो सिजनमा अहिलेसम्म सबैभन्दा बढी गोल गर्नेमा इङ्लिस क्लब लिभरपुल रहेको छ । लिभरपुलले ९ खेलमा ३१ गोल गरेको छ । लिभरपुलका रोबर्टो फर्मिनो, साडियो माने र मोहम्मद सालाहले समान ७ गोल गरेका छन्। २७ गोलसहित पेरिस सेन्ट जर्मेन (पिएसजी ) दोस्रो स्थानमा छ ।
अन्तिम १६ को खेलमा रियल म्याड्रिडसँग पराजित हुँदै बाहिरिएको पिएसजीले ८ खेलमा २७ गोल गरेको थियो । धेरै गोल गर्नेमा क्लबमा रियल तेस्रो स्थानमा छ । रियलले ९ खेलमा २५ गोल गर्दा क्रिस्टियानो एक्लैले १४ गोल गरेका छन् । बायर्नले २३ गोल गरेको छ । त्यस्तै म्यानचेस्टर सिटीले १९ गोल गरेको छ । क्वार्टरफाइनलको पहिलो खेलमा रोमाविरुद्ध उच्च प्रदर्शन गरेको बार्सिलोनाले ९ खेलमा १७ गोल गरेको छ ।
क्लब गोल
१. लिभरपुल – ३१
२. पिएसजी – २७
३. रियल म्याड्रिड – २५
४. बायर्न म्युनिख – २३
५. म्यानचेस्टर सिटी – १९
६. टोटेनह्याम – १८
७. चेल्सी – १७
८. बार्सिलोना – १७
९. पोर्टो – १५
१०. सेभिल्ला – १५
त्यस्तै रोमाले १२ गोल गरेको छ भने युभेन्टसले ११ गोल गरेको छ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]