बार्सिलोना (एजेन्सी)– बार्सिलोना र एएस रोमाबीच च्याम्पियन्स लिग क्वार्टरफाइनलको पहिलो लेग आज राती हुँदैछ । खेल बार्सिलोनाको मैदान नोउ क्याम्पमा हुनेछ । यी दुई टोलीबीचको पहिलो लेगमा फर्ममा रहेको बार्सिलोनालाई बलियो मानिएको छ । यद्दपी भ्रमणकारी टोली यसै हार मान्ने पक्षमा पक्कै हुने छैन । खेल नेपाली समय अनुसार राती १२ः३० बजे सुरु हुनेछ ।

यी दुई टोलीबीच च्याम्पियन्स लिगमा भेट हुन लागेको याँ पाँचौं पटक हो । दुवै टोलीले समान १ खेल जितेका छन् भने बाँकी २ खेल बराबरीमा टुंगिएका थिए । तर,सन् २०१५१६ को समूह चरणमा भने रोमा लज्जास्पदक रुपमा पराजित भएको थियो । नोउ क्याम्पमा भएको त्यो खेलमा बार्सिलोना ६–१ ले विजयी भएको थियो ।

यो पटक भने इटालिन टोलीले आफ्नो रक्षापक्तिलाई मजबुत बनाउन कोशिस गर्नेछ । बार्सिलोनामा भने ला लिगामा निकै लयमा छ र अपराजित रहँदै आएको छ । बार्सिलोनाको लक्ष्य पक्कै पनि ला लिगा र च्याम्पिन्स लिगमा अन्तिम सम्म अपराजित यात्रा तय गर्नु हुनेछ । रोमाले बार्सिलोनाको पछिल्लो खेललाई हरेर केहि आशा राखेको हुन सक्दछ ।

सेभिल्लाविरुद्धको त्यो ला लिगा खेलमा बार्सिलोना २–० ले पछि परेको थियो । तर त्यस्तो परिस्थितिबाट बार्सिलोनाले खेललाई २–२ को बराबरीमा पुराएको थियो । अर्जेन्टिनाका पछिल्ला दुई मैत्रीपूर्ण खेल गुमाएपछि चोटमुक्त भएर टोलीका मुख्य खेलाडी लियोन मेस्सी फर्केका कारण बार्सिलोनाको मनोबल उच्च हुनेछ । सेभिल्लाविरुद्ध परिर्वित खेलाडीका रुपमा मैदान प्रवेश गरेर पनि मेस्सीले गोल गरेका थिए ।

रोमा पनि सिरि एमा उच्च फर्ममा रहेको छ । पछिल्ला ८ खेलमा टोलीले ६ खेल जितेको थियो । यद्दपी पछिल्ला दुई खेलमा भने टोलीको प्रदर्शन सन्तोषजनक रहन सकेको छैन । अन्तिम १६ मा चेल्सीलाई पार लगाउँदै बार्सिलोना क्वार्टफाइनलमा पुगेको थियो । अर्को तिर युक्रेनको साख्तार डोनेस्कलाई अवे गोलका आधारमा पछि पार्दै रोमाले अन्तिम आठको यात्रा तय गरेको थियो ।

रोमाविरुद्धको खेलमा घाइते रहेका स्टार खेलाडी मेस्सी र जेरार्ड पिकेले खेल्नेमा भने शंका रहेको छ । उनी प्रशिक्षणमा फर्किएपनि खेल्नेमा शंका रहेको बार्सिलोनाका प्रशिक्षक इर्निष्टो भालभार्डेले बताएका छन् । बार्सिलोनालाई सर्जि रोबर्टो सामुइल उम्टिटि, फिलिपे कौटिन्हिो, लुइस स्वारेज जस्ता विश्वस्तरका खेलाडीहरुको साथ रहेको छ । च्याम्पियन्स लिगको अर्को क्वार्टरफाइनलमा प्रिमियर लिगका दुई टोली लिभरपुल र म्यानचेस्टर सिटीबीच हुनेछ ।