पाँचथर गोल्डकपको तयारी अन्तिम चरणमा

दिपक बोहोरा
पाँचथर– अर्को साता सुरु हुने दोस्रो पाँचथर गोल्डकप फुटबल प्रतियोगिताको तयारी अन्तिम चरणमा पुगेको आयोजकले जनाएको छ । चैत २५ गते सुरु हुने प्रतियोगितामा ८ टोलीको सहभागिता रहनेछ ।

प्रतियोगिताका लागि अस्थाइ प्यारापिटको निर्माण सम्पन्न भइसकेको छ । अस्थाई प्यारापिट ५ हजार दर्शक क्षमता रहेको आयोजक पाँचथर क्लबले जनाएको छ । प्रतियोगिता नजिकिदै गर्दा फिदिमलाई फिदिमलाइ सिंगार्न आयोजक व्यस्त छन् । फिदिम प्रवेश गर्ने ठाँउमा गेट निर्माण गरिएको छ । क्लबका अनुराग केप्छाकी मगरले मैदान व्यवस्थापन, आर्थिक संकलन र प्रचार प्रचारमा व्यस्त रहेको बताए ।

नाइन ए साइड फुटबल प्रतियोगितामा आयोजक सहित ए डिभिजन टोली जाउलाखेल युथ क्लब, विजय युथ क्लब हेटौडा ,मिसन युनाडटेड ताप्लेजुङ , साविक विजेता विर्ता युनाइटेट झापा , सुनसरी ११ ,डिएफसि मोरङ, रेडहर्स इलामले उपाधिका लागि प्रतिस्पर्धा गर्नेछन् । उपाधिकोलागी प्रतिस्पर्धा गर्ने छन ।

प्रतियोगिताको विजेताले उपाधिसहति ३ लाख ५ हजार ५ सय ५५ र दोस्रो हुने टोलीले १ लाख ५ हजार ५ सय ५५ रुपैयाँ प्राप्त गर्नेछ । प्रतियोगितामा झन्डै २८ लाख रुपैयाँ खर्च हुने अध्यक्ष मगरले बताए ।